Sýndarmennska og kosningavíxlar.

„Engin greining eða áætlanagerð hefur farið fram við undirbúning frumvarpsins á því hvernig megi fjármagna svo mikla útgjaldaaukningu og ekkert samráð var haft um það við fjármála- og efnahagsráðuneytið hvernig slíkar breytingar á almannatryggingakerfinu geti samrýmst ríkisfjármálaáætluninni. Fjárlagaskrifstofa telur vandséð hvernig staðið verði í reynd undir þeirri auknu fjárþörf almannatryggingakerfisins sem leiðir af ákvæðum frumvarpsins eigi jafnframt að framfylgja stefnumörkun ríkisstjórnarinnar í ríkisfjármálum nema stjórnvöld verði reiðubúin til að skerða framlög til annarra málaflokka í sama mæli eða leggja á hærri skatta til tekjuöflunar.“

Það er í sjálfu sér ekkert að því að vilja einfalda bótakerfið bótaþegum til hagsbóta.

En það hlýtur þó í ljósi þess sem að hér að ofan stendur innan gæsalappa, að líkurnar eru einn á móti milljón að hægt verði að afgreiða frumvarpið á þessum 6 dögum sem eftir eru að þessu þingi.
Framlagning málsins á þessum tímapunkti er því ekkert annað en sýndarmennska og enn einn kosningavíxillinn sem gefinn er út á þjóðina.

Fleiri kosningavíxilar..... 

...koma svo frá nýkjörnum formanni Vinstri grænna, LÍN-frumvarpið.  Þar munar 2,7 milljörðum á útreikningum Menntamálaráðuneytisins og Fjárlagaskrifstofu.  Þar sem ráðuneytið metur kostnaðinn á 2 milljarða en Fjárlagaskrifstofan  á 4,7 milljarða.  Þar munar heilum 135%!!

RÚV-frumvarp menntamálaráðherra eykur svo árlegt framlag til RÚV um tæpa 900 milljónir, hið minnsta.

 

Einfalda á bótakerfið

Athugasemdir

[Jóhann Kristinsson, 5.3.2013 kl. 03:42]

Datt mér ekki í hug það var ástæða fyrir að hinn vanhæfi Velferðarráðherra beið þangað til 1 mínútu fyrir þingrof til að leggja almannatryggingafrumvapið fyrir þingið.

Ég ættla að vona að þetta verði sett á ís og verði fyrsta mál á nýju þingi í haust. Það er hægt að láta þetta gilda frá 1 mars ef það er einhver fótur fyrir þessum breytingum þó svo að frumvarpið verði ekki afgreitt af þingi fyrr en í haust.

Kveðja frá Houston