Forsetakosningar NATO og tillögur stjórnlagaráðs.

Allir þingmenn Vg. nema þeir Steingrímur J. og Jón Bjarnason, hafa ásamt þeim Atla Gíslasyni og Birgittu Jónsdóttir, hafa lagt fram þingsályktunartillögu, þess efnis að þjóðin skuli fá að kjósa um mitt næsta ár um áframhaldandi aðild að NATO.

 Um mitt næsta ár, er ca. þegar forseta kosningarnar verða og samhliða þeim vill Jóhanna láta kjósa um frumvarpið er verktakarnir 25 er kallaðir eru stjórnlagaráð skrifuðu. Fínt að fá  NATO líka með  í púkkið og auðvitað ætti einnig að kjósa til þings líka, þó svo að nauðsynlegt sé reyndar að þingkosningar verði mun fyrr.  

Hins vegar man ég ekki betur, að ekki hafi verið hægt að kjósa aftur til stjórnlagaþings, eftir að Hæstiréttur ógilti kosninguna til stjórnlagaþings,  samhliða Icesavekosningunum hinum síðari, þar sem Icesave hefði yfirskyggt heilagleika stjórnlagaþingsins.
En eru ekki líkur á því að forsetakosningar og jafnvel kosning um NATO, yfirskyggi ekki algjörlega, heilaga ritningu verktakana 25?

Athugasemdir

[Sigríður Jósefsdóttir, 17.10.2011 kl. 23:08]

Og hver segir að það verði forsetakosningar í vor?  Ólafur Ragnar hefur ekkert gefið út um áframhaldandi setu eða ekki.

[Kristinn Karl Brynjarsson, 17.10.2011 kl. 23:32]

Það er nær öruggt að einhver bjóði sig fram, hvort sem Ólafur verði í framboði eða ekki.   Þannig að mun meiri líkur eru, en minni á því að það verði forsetakosningar í vor.

[Gunnar Heiðarsson, 18.10.2011 kl. 09:47]

Þá ætti að sjálf sögðu að bæta í bunkann kosningu um áframhald ESB viðræðna.

Kosturinn við að hafa svo fjölbreytta kosningu er að kjörsókn ætti þá að verða mun betri. Sumir hafa engan áhuga á einu máli en kannski mikinn á öðru. Því mæta menn til að kjósa um það sem þeir hafa áhuga á og fá þá í hendur atkvæðaseðla um hin málefnin einnig. Það er svo í valdi hvers og eins að ákveða hvort þeir skili auðu, eða kjósi í öllum kosningunum.