Kjánaleg krafa. Hvað með stjórn Bankasýslu ríkisins???

Af hverju byrja þessir stjórnarþingmenn ekki á réttum enda?  Afhverju krefjast þeir þess ekki að fjármálaráðherra setji þessa stjórn af? 

Það var jú sú stjórn, með aðstoð Capacent, sem taldi Pál hæfastan í starfið.  Telji þessir stjórnarþingmenn að dómgreind stjórnar Bankasýslu ríkisins sé ábótavant, þá batnar dómgreind stjórnarinanr ekkert, þó starfið verði auglýst að nýju. 

Eins þurfa þessir stjórnarþingmenn að rökstyðja það á hvaða hátt, þeir telja ákvörðun stjórnar Bankasýslu Ríkisins ranga.  Sá rökstuðningur verður að byggja á einhverju öðru, en því að sá sem fékk starfið, heiti Páll Magnússon og sé framsóknarmaður.

Að öðrum kosti er þetta bara fálmkennt lýðskrum þessara stjórnarþingmanna, í von um skjótfengnar, en að öllum íkindum skammvinnar, vinsældir.

Þingmenn vilja ekki Pál

Athugasemdir

[Anna (IP-tala skráð) 16.10.2011 kl. 14:26]

Páll er með minnstu menntunina sem nýtist í starfi af öllum umsækjendum. Hann er með grunnmenntun í guðfræði, sem nýtist ekki beint í starfi. Svo er hann með tveeggja ára nám í opinberri stjórnsýslu, en enga menntun á sviði fjármála eða bankamála.

Allir hinir umsækjendurnir eru með menntun á sviði viðskiptafræði eða hagfræði, 3-5 ár eða lengra. Þau uppfylla því öll hæfiskilyrði um menntun betur en Páll. Allir hinir umsækjendurnir hafa reynslu af störf við banka eða bankasýslu, en ekki Páll. Tvö þeirra hafa reynslu af starfi við Bankasýslu ríkisins umfram hann.

Þá eru tvö hinna með lengri stjórnunarreynslu en Páll. Þetta er borðliggjandi, vægast sagt og a.m.k. tvö af hinum umsækjendunum myndu auðveldlega vinna dómsmál ef þau kærðu ráðninguna.

[Þorvaldur Sigurðsson (IP-tala skráð) 16.10.2011 kl. 14:28]

Þegar maður með BA próf í guðfræði er tekinn fram yfir menn með hagfræðipróf til að sjá um peninga er einhversstaðar maðkur í mysunni.  Að vísu hefur Páll líka kornflexpakkapróf í opinberri stjórnsýslu en slík próf eru sem sagt kornflexpakkapróf.

[Sigurður Þórðarson, 16.10.2011 kl. 14:30]

Auðvitað á að nota tækifærið og senda þessa ömurlegu stjórn bankasýslunnar til Tortola þar sem hún á best heima.

[Kristinn Karl Brynjarsson, 16.10.2011 kl. 14:31]

Já en það breytir því ekki, að Páll var metinn hæfastur, af stjórninni, í það starf sem ráðið var í.  Eru líkur til þess að dómgreind stjórnar B.r verði önnur/betri, ef að auglýst verður í starfið að nýju?  Hvað ef Páll sækir þá um aftur?

Svo má líka ekki gleyma því, að Bankasýsla ríkisins, var sett upp til þess að klippa á pólitísk afskipti af bankakerfinu.  

[Guðmundur Björn, 16.10.2011 kl. 15:53]

...ef Páll er svona óhæfur, þá ætti hann að skella sér á þing.  Þar er nú samansafn af bráðgreindum mannvitsbrekkum. 

Það er dálítið undarlegt að þingmenn Samfó og Vg mótmæla þessari ráðningu, þar sem stjórn Bankasýslunnar er óháð og ópólitísk ef ég skil frumvarpið rétt.    Eigum við að ræða Rúnólf Ágústsson? Væntanlega vill sama fólk og gagnrýnir Pál Magnússon meina að Runólfur hafi verið afburðarkandítat í starf umboðsmanns skuldara og hvað þá sem núverandi stjórnarformaður Vinnumálastofnunnar?  

[Axel Jóhann Axelsson, 16.10.2011 kl. 17:16]

Án þess að leggja nokkurt mat á hæfni Páls Magnússonar til að gegna þessu starfi, þá verður að segjast að það er meira en lítið lýðskrum hjá þessum þingmönnum að ætla að taka fram fyrir hendurnar á stjórninni og hlutlausri ráðningarþjónustu, ekki síst þar sem Bankasýslan var sérstaklega sett á fót til að aðskilja pólitíkina og bankamálin.

Ef þessir þingmenn eru svona vissir um að stjórn B.R. sé að gera tóma vitleysu í starfi sínu, væri nær af þeim að krefjast afsagnar hennar og jafnvel að B.R. verði algerlega lögð niður, enda vandséð að nokkuð sé með hana að gera, þar sem hún hefur í raun bara með einn ríkisbanka að gera.

[Eggert Guðmundsson, 16.10.2011 kl. 17:37]

Sammála þér Kristinn. Það þarf að setja stjórnina af,ef auglýsa á að nýju. Ég skil ekki þessa krítik, þó sérstaklega ekki frá ónytjungum á Alþingi.

[Dexter Morgan, 16.10.2011 kl. 18:10]

Lausnin á þessu "vandamáli" er einföld. Það á að leggja niður Bankasýslu Ríkisins, setja stjórnina af og reka þennan forstjórakandídat, jafnvel þó það kunni að kosta skattgreiðendur eitthvað í sárabætur. Síðan á að stofna BankaRáð Ríkisins og fá eitthvað almennilegt fólk til að stýra því, ekki einhverja afdankaða, "innmúraða", vafasama einstaklinga úr pólitíkinni.PUNKTUR.