Skjaldborgarleikflokkurinn toppar sig stöðugt í bullinu.

Eftir að hafa sett saman starfshóp hagmunaaðila í greininni og fulltrúa þingflokkanna sem vann að málinu í eitt ár rúmt og skilaði nánast, samhljóða niðurstöðu, með örfáum fyrirvörum, þá tóku stjórnarflokkarnir við að togast á um málið, víla og díla í nærri níu mánuði um málið.  

Árangurinn af því var svo einhver frumvarpsómymd, sem sem sýnd var stjórnarflokkunum í byrjun maí.  Ónefndur Samfyklkingarþingmaður sagði þá simpasa hafa skrifað hafa skrifað frumvarpið.

 Frumvarpið þá að einhverju leyti bætt og lagt aftur fyrir stjórnarflokkanna, sem gáfu grænt ljós á framlagningu frumvarpsins í þinginu.  Á endanum var svo frumvarp þetta, sem jafnan kallast  Litla Frumvarpið og það frumvarp er kallast Stóra Frumvarpið, lögð fram í þinginu ca. 6 vikum eftir þann tíma, er þingsköp kveða á framlagningu mála.  Málunum var því hleypt inn á afbrigðum.

 Það skal alveg taka með í reikninginn að stjórn fiskveiða er nú ekkert smámál.  En eftir allan þennan tíma við vinnslu frumvarpanna og allt reipitogið og hrossakaupin, þá hefði maður haldið að í það minnsta stjórnarflokkarnir gengju í takt í málinu.

 Hins vegar virðist það vera svo að um málið er akkurat engin sátt meðal stjórnarflokkanna og jafnvel innbyrðis deilur innan þeirra um málið.  

 Það er nú varla við því að búast að svona sundurlyndur hópur komi sér saman um nokkurn skapaðan hlut og varla við því að búast að eitthvað lagist hér á landi, fyrr en þetta fólk fer frá og hleypir að fólki sem getur unnið saman að því að koma landinu aftur á réttan kjöl.  

Stjórnarþingmenn ósammála

Athugasemdir

[Axel Jóhann Axelsson, 10.6.2011 kl. 22:59]

Það er nánast ótrúlegt að nokkur "meirihlutastjórn" skuli varla geta komið frá sér einu einasta máli sem nothæft er.

Því miður er alltof mikið samþykkt af ruglinu sem frá þessu fólki kemur og nóg verður að gera hjá næstu ríkisstjórn við að lagfæra og leiðrétta það sem þessi stjórn er búin að klúðra á aðeins tveim árum.

Því verður alls ekki trúað, að stjórnin sitji tvö ár í viðbót. Þjóðarbúið myndi ekki þola þá áraun.

[Kristinn Karl Brynjarsson, 10.6.2011 kl. 23:40]

Mér heyrðist nú í dag að í þennan bandorm Steingríms, vegna kjarasamninganna, hafi verið smyglað með einhverjum ákvæðum, kjarasamningunum óviðkomandi, en til leiðréttingar á, svotil nýjum lagasetningum, frá velferðarstjórninni......