Siðlaus forstöðumaður Siðfræðistofnunar?

Salvör hlýtur að stefna að því að verða , fyrrverandi forstöðumaður Siðfræðistofnunuar Háskólans. Salvör segir í bréfinu að stjórnvöld hafi ekki dregið rétta lærdóma af rannsóknarskýrslu Alþingis, sem að hún reyndar tók þátt í að gera, að hluta til.

 

Í þeim kafla er Salvör kom að, siðfræðikafla rannsóknarskýrslu Alþingis, gott ef að hún hafi ekki haft yfirumjón með þeim kafla, fellur þungur dómur á stjórnsýsluna og hún beinlínis sögð hafa verið, nánast drepsýkt af siðleysi.

 

Í siðfræðikafla rannsóknarskýrslu Alþingis,  er talað um það að lög og lagatúlkanir hafi verið teygð, nánast út í hin ystu  mörk að framkvæmd laga og túlkun þeirra gætu talist lögleg.  Þegar lög og lagatúlkanir fá slíka umsögn, er talað um að eitthvað sé löglegt en siðlaust.

 

 Eftir slíka fullyrðingu, um lærdómsleysi Alþingis af rannsóknarskýrslu Alþingis og þá væntanlega þá helst að þeim kafla er hún kom sjálf að,  hefði maður nú búist við því að kona í hennar stöðu svaraði boði um setu í stjórnlagaráði með orðunum: ,,Takk, en nei takk."

 

Allsherjarnefnd Alþingis, reyndi eftir því sem henni gafst tími til, í mikilli tímapressu stjórnvalda, að útiloka þann möguleika að stjórnlagaráðið, eða stofnun þess bryti í bága við lög.

 

Hver einasti lögmaður sem að allsherjarnefnd Alþingis kallaði til, sagði þessa málsmeðferð, að vísu löglega, en á frekar veikum grunni þrátt fyrir það, lögin væru teygð, að ystu mörkum þess að málsmeðferð Alþingis gæti talist lögleg.

ERGO: Hver einasti lögmaður, er kom fyrir allsherjarnefnd,  sagði að málsmeðferð Alþingis að skipun stjórnlagaráðs, löglega en siðlausa.

 

Veikt umboð stjórnlagaráðs

Athugasemdir

[Stefán Júlíusson (IP-tala skráð) 30.3.2011 kl. 16:07]

Meirihluti þeirra sem voru kjörnir ákváður að taka þátt.

Það er gott að sem flestir taki þátt í þessu verkefni sem kjörnir voru.

Eigum við ekki að sjá hvaða tillögur koma?

Ég ætla að vona að niðurstaða nefndarinnar leiði að sameiningu en ekki sundrungu.

Sjáum hvað setur.

[Kristinn Karl Brynjarsson, 30.3.2011 kl. 17:05]

Ég held að flestir voni nú að sem mest sátt verði um þá vinnu sem að við tekur eftir að stjórnlagaráðið skilar af sér. En það eru þó nokkur atriði sem að þurfa að vera á hreinu áður.  Og er ég þó ekkert frekar að vitna í ummæli manna er féllu á Alþingi á meðan tillagan um stjórnlagaráðið var til meðferðar.

1. Nú er t.d. alþingismönnum, skv. núgildandi stjórnarskár, beinlínis bannað að taka mark á úrslitum ráðgefandi þjóðaratkvæðis, fari slíkt fram, áður en að Alþingi fær tillögur stjórnlagaráðs til með ferðar. 

47. gr. Sérhver nýr þingmaður skal vinna ... 1) drengskaparheit að stjórnarskránni, þegar er kosning hans hefur verið tekin gild. 1)L. 56/1991, 16. gr. 48. gr. Alþingismenn eru eingöngu bundnir við sannfæringu sína og eigi við neinar reglur frá kjósendum sínum. ... 1) 1)L. 56/1991, 17. gr.



2. Hvenær hyggst Alþingi taka til málsmeðferðar tillögur stjórnlagaráðs, er koma inn í þingið nk. haust?  Verði strax hafist handa með þremur umræðum, með nefndarstöfum á milli umræða, þá er einboðið að kosið verði næsta vor til Alþingis, en ekki þarnæsta vor.   Dagskrá Alþingis ræðst nær eingöngu af vilja þeirra flokkar er mynda ríkisstjórn hverju sinni, stjórnarmeirihlutans.  Er stjórnin tilbúin að standa upp næsta vor, boða til kosninga og leggja verk sín í dóm kjósenda?  Eða vill hún lafa út kjörtímabilið? 

3. Vilji ríkisstjórnin starfa út kjörtímabilið, þá koma tillögur stjórnlagaráðsins ekki til efnislegrar meðferðar Alþingis, fyrr en á haustþingi 2012 í fyrsta lagi.  Það er ekki hægt að byrja efnislega meðferð máls á Alþingi og skilja málið eftir hálfklárað til næsta þings. Á næsta þingi þarf að taka málið upp aftur frá fyrstu umræðu.

 4. Verður almenn sátt um það í þjóðfélaginu, verði málinu frestað um eitt ár, eftir að það kemur í þingið, eða að úrvinnslan þess taki tvö þing, þar sem hálfklárað málið verður tekið upp aftur frá upphafi á seinna þinginu?