Borga takk!!! Eða gleyma ESB.

  Svona hljóma nýjustu skilaboð Hollendinga í Icesavedeilunni.  Það staðfestir enn einu sinni lýgi stjórnvalda um að Icesave og ESB-aðildarumsóknin, hefðu ekkert með hvort annað að gera.

 Þessi ,,hlýlegu" skilaboð Hollendinga, hljóta að vekja ugg meðal aðildarsinna, enda sé eitthvað að merkja skilaboð Hollendinga, þá verði umsóknarferlinu sjálfhætt, felli þjóðin samninginn í þjóðaratkvæðinu.  

 Hins vegar hlýtur að vera erfitt fyrir stjórnvöld og aðra aðildarsinna, að beita þeim rökum fyrir samþykkt Icesave, að aðildarferlið verði í hættu, segi þjóðin nei.   Enda væru þeir aðilar þá sjálfir að gangast við því að hafa logið að þjóðinni um það, að Icesave og ESB-aðildarferlið væru með öllu ótengd.

 En hins vegar ber þó að geta, að núverandi stjórnvöld setja það ekkert fyrir sig að ljúga að og blekkja fólk, hvað þá að brjóta lög, enda eru þau í pólitík og er þeirra pólitík sannleikanum og  lögum æðri.

Ekki stórvægileg áföll heldur kyrrstaða

Athugasemdir

[Orri (IP-tala skráð) 21.2.2011 kl. 16:54]

Ert þú virkilega að segja mér að þú viljir gjarnan borga 260 milljarða til þess að kaupa þig inn í eitthvað samband. Þegar þangað er komið stela þeir svo öllum fisknum okkar, eyðileggja innanlandsmarkað á landbúnaðarafurðum o.s.frv. Þannig að það leggst ofaná 260 milljarðana.

Frábær framtíðarsýn hjá þér félagi.

[Kristinn Karl Brynjarsson, 21.2.2011 kl. 17:52]

Ef að þú sérð það , Orri minn á mínum orðum að ég vilji ganga í ESB, þá endilega bentu mér á það.

[Baldur Hermannsson, 21.2.2011 kl. 18:29]

Heheheee ....Orri hefur greinilega bara lesið fyrirsögnina.

[Kristinn Karl Brynjarsson, 21.2.2011 kl. 20:39]

Já greinilega Baldur.  En það er nú samt athyglisvert að Hollendingar halda að við svíðum meira undan því, Össur segi ekki fleiri brandara í Brussel, en að stefna okkur fyrir dóm.

 Þeir vilja kannski ekki sjálfir fara með málið fyrir dóm, þar sem nokkuð ljóst er að eini dómstóllinn sem til greina kemur er EFTA-dómstóllinn. Þeir og Bretar verða reyndar að samþykkja að málið fari þangað, þó enginn annar dómstóll byðist.

 Ynnu þeir sigur, þá biði þeirra að sækja svo mál fyrir Héraðsdómi og Hæstarétti til að innheimta kröfurnar, þar sem að EFTA-dómstóllinn hefur ekki aðfararétt á Íslandi.  Eða þá að það færi í gang enn einar samningaviðræðurnar við íslensk stjórnvöld um greiðslur krafnanna.

 Það er í rauninni það sem Björg Thoroddsen átti við í fréttum RÚV, þegar hún talaði um samningaviðræður, að loknum EFTA-dómi.

[Baldur Hermannsson, 21.2.2011 kl. 20:54]

Getur EFTA dómur orðið annað en rothögg fyrir okkur?

[Kristinn Karl Brynjarsson, 21.2.2011 kl. 21:16]

 Það að málið fari fyrir EFTA er í rauninni, bara getgátur ennþá.  Bretar og Hollendingar hafa hótað okkur öllu öðru en EFTA, ef við borgum ekki með bros á vör.

 En vilji menn vega og meta samninginn út frá hugsanlega töpuðu dómsmáli vs. samþykkt samningsins, þá þurfa menn að meta samninginn út frá einhverju öðru en skástu útkomu hans 56 milljarðar næstu 5 árin í vexti og svo rest úr þrotabúi Landsbankans.  Smá gengissveiflur, jafnvel minni en tíðkast hafa hér og tafir á útgreiðslu úr þrotabúinu, vegna t.d. dómsmála, geta margfaldað kostnað við samning.

[Ómar Geirsson, 22.2.2011 kl. 09:50]

Baldur, ef EFTA dómur væri þetta rothögg, þá væru bretar fyrir löngu búnir að klára málið með dómi. 

Hvað segir það þér að fólk semji, hóti dómi þegar þeim samningi er breitt, en semji svo aftur.  Þegar sá samningur er felldur í þjóðaratkvæði, þá hóta þeir dómi, en semja aftur.

Í hvert skipti slá þeir af kröfum sínum.

Þetta er mjög einfalt orsakasamhengi sem jafnvel fólk vinstramegin við miðju skilur.

Sem og hitt, ef dómur EFTA er lögleysa, þá mun Jón Steinar jarða hann í Hæstarétti, með lögskýringum, og evrópska lagasamfélagið mun taka undir rök hans. 

Því dómsstóll sem dæmir eftir hagsmunum ekki lögum, er hreint tilræði við réttarsamfélagið.

Raunveruleikinn er ekki farsi eftir Dario Fo.

Kveðja að austan.

[Baldur Hermannsson, 22.2.2011 kl. 13:44]

Milliríkjadeilur eru alltaf erfiðar viðfangs. Lögfræðingum ber ekki saman um stöðu okkar í málinu. Það er réttar óvissa fyrir hendi. Þá er ekki á vísan að róa.

[Ómar Geirsson, 22.2.2011 kl. 14:14]

Baldur, Nei,og þetta er ekki milliríkjadeila, fórnarlamb kúgunar á ekki í deilu, við eigum ekki í deilum við breta, það eru þeir sem hófu einhliða árásir.  Væri þetta deila, þá væri fyrir löngu búið að dómtaka málið.

Dómsstólar dæma eftir lögum, þeir sem halda öðru fram eru að blekkja, í annarlegum tilgangi, og ég velti fyrir mér þínum tilgangi.

Lögfræðingum ber ekki saman, það er rétt, annars vegar eru þeir sem rökstyðja mál sitt með tilvísun í lög og reglur, og svo hinir sem gera það ekki.

Þú kýst að taka mark á hinum síðarnefndu.

Samt getur þú ekki peistað nein rök sem þessi menn vitna í, aðeins fullyrðingar.  Við erum báðir það gamlir að muna þessa rökræðu kommúnista, að fullyrða eitthvað gegn æpandi raunveruleika kúgunarþjóðfélaga þeirra.

Núna ert þú í sömu rökbuxunum, og það er miður.

Virðing fyrir réttarríkinu er forsenda frelsis.  Þú ert genginn af þeirri braut Baldur, síðast gengu hægri menn af þeirri braut á því örlagaári 1939.  

Og allir þekkja afleiðingarnar.

Kveðja að austan.