Enn einn ráðningarfarsinn í uppsiglingu hjá Samfó?

Fróðir menn segja síðueigenda að líklegast fái Pétur G. Thorsteinsson starfið, enda ku hann vera góður vinur Össurar.  Það ætti því að vera Samfylkingunnni töluverð sárabót, ef það gengi eftir, enda verið bölvað bras fyrir Samfylkinguna að koma sínum manni að í þau störf, sem að stjórnvöld neyðast til að auglýsa.

 Það muna eflaust allir farsann með ráðningu Umboðsmanns skuldara, þegar Runólfur Ágústsson, náði að vinna heilan dag, áður en að Árni Páll Árnason þáverandi félagsmálaráðherra, hvatti hann til að hætta, því hann gæti ekki varið ráðningu hans, pólitískt.

 Síðan varð uppi fótur og fit í Samfylkingunni, þegar að stjórn Íslandsstofu, leit framhjá Þórólfi Árnasyni, bróður Árna Páls, þegar hún réð Jón Ásbergsson í starf framkvæmdastjóra Íslandsstofu.   Þótti sú ráðning, slík firra að Sigurbjörg Sigurgeirsdóttir, stjórnsýslufræðingur taldi sig knúna til að tjá sig um ráðningu Jóns, enda þótti það ekki í anda laganna að ráða þann hæfasta í starfið, ef hann er ekki í Samfylkingunni. 

 Þess má hins vegar geta, að Sigurbjörg, sá ekki ástæðu til þess að tjá sig um farsann vegna Umboðsmanns skuldara og heldur ekki þann farsa sem var í kringum ráðningu á framkvæmdastjóra Íbúðalánasjóðs, þó svo að til þess að klára þá ráðningu, hafi þurft tvenn umsóknarferli, þó svo að meirihluti stjórnar Íbúðarlánasjóðs, hafi komið sér saman um framkvæmdastjóra.  Stjórninni varð hins vegar það á að sá sem hún vildi ráða var ekki í Samfylkingunni og þurfti því þáverandi félagsmálaráðherra, Árni Páll að flækja ferlið............................. En flækjan varð þó ekki til þess að hans maður, Yngvi Örn Kristinsson, fengi djobbið, þrátt fyrir einbeittan vilja ráðherra til þess.  Þess ber þó að geta að seinna ráðningarferlinu lauk ekki fyrr en Árni Páll hætti í Félagsmálaráðuneytinu.

 Það hlýtur þá að vera spurningin, hvort Össuri takist að ráða sinn mann í djobbið, Pétur G. Thorsteinsson, án hávaða, eða þá að nýr farsi fari í gang. 

Líklegast á Samfylkingin bara svo erfitt með það að ráða sitt fólk í vinnu, ef hún neyðist til að auglýsa starfið. Henni virðist henta best, að geta bara látið Einar Karl Haraldsson fá þau djobb sem losna, án auglýsingar.

33 sækja um embætti framkvæmdastjóra ÞSSÍ

Athugasemdir

[Kristinn (IP-tala skráð) 12.11.2010 kl. 22:27]

Kristinn. Þú segir að  málefnalegar athugasemdir séu velkomnar.En af hverju ekki að byrja á því að vera málefnalegur sjálfur?

[Jón Steinar Ragnarsson, 13.11.2010 kl. 17:30]

Jamm...þegar ráðamenn ráða menn, ráða menn ekki við neitt.

[Kristján Pétur Sigurðsson (IP-tala skráð) 14.11.2010 kl. 12:26]

Hér les maður pistil, sem er settur inn á Eyjuna, en ekki fæ ég lesið úr pistlinum hvaða staða það er sem Pétur G Thorsteinsson er að klíkast til að fá. Það hlýtur þó að vera eitthvað án auglýsingar og þess vegna lýst mér vel á niðurlagið. Ráða Einar Karl í djobbið hvað svo sem það er.

[Margrét (IP-tala skráð) 15.11.2010 kl. 06:45]

Hehehe

Allveg óþarfi að vera hörundssár Kristján. Það er ljóst, þó svo að Kristinn nefni það ekki að um er að ræða djobbið á Þróunarsamvinnustofnun. En er þetta ekki rétt sem hann er að segja? Ráðningamál hjá Samfó hafa verið og virðast ætla að vera áfram, farsi sem í besta falli er hægt að hlæja að.