Þeir sem heima sátu eru líka þjóðin.

Í ljósi þess hvers eðlis kosningar á laugardaginn voru, þ.e. að verið var í rauninni að kjósa um mál sem enn er í vinnslu, en ekki um endanlegar lyktir þess, þá verði að túlka úrslit þeirra á annan hátt, en hefði annars  verið gert, væri um endanlega afgreiðslu máls að ræða. 

Að mati undirritaðs væri heillavænlegast að túlka úrslitin þannig að Alþingi hafi fengið heimild frá þjóðinni, að vinna þessi drög áfram og gera þær breytingar á þeim sátt næst um.  Bæði hvað varðar breytingar á orðalagi eða efnislegar breytingar.  Hvort sem að slíkar breytingartillögur komi frá þingmönnum sjálfum eða eru byggðar á vel rökstuddum umsögnum, sem nær öruggt er að berist stjórnsýslu og eftirlitsnefnd þingsins.

Meiri líkur eru á því að vegsemd þingsins aukist verði það verklag notað sem lýst er hér að ofan.  Misjöfn viðhorf og skoðanir verði kölluð þeim nöfnum, en ekki viðhafðar upphrópanir um flokkadrætti, klæki eða hagsmunagæslu. Heldur verði í sátt reýnt að móta og afgreiða stjórnarskrá, í sátt, sem tekur tillit sem flestra skoðana og viðhorfa þeirra er á þingi sitja.  Skoðanir og viðhorf manna eiga ekki endilega og þurfa ekki endilega að breytast  þó svo úrslit þjóðaratkvæðis séu á einhvern veg eða annan. 

 Þegar uppi verður staðið í vor, mun þjóðin miklu fremur horfa til þess, í hversu mikilli sátt, án óþarfa upphlaupa og upphrópanna þingið vann úr þessum tillögum stjórnlagaráðs.  En að hún horfi á þær breytingar sem kunna að verða á tillögum stjórnlagaráðs í  meðförum þingsins.

Stjórnarskrá samþykkt í skugga illdeilna og með ltilum mun í þinginu, mun eingöngu auka enn frekar á deilurnar í þjóðfélaginu og gera þjóðina enn sundurleitari en nú er. Hafa verður í huga að þeir sem sögðu nei á laugardaginn eða sátu heima, eru líka þjóðin.

Flokkadrættir og klækir víki

Athugasemdir

[josef asmundsson (IP-tala skráð) 23.10.2012 kl. 19:55]

Hef verið að heyra það að kæra sé á leiðinni frá sjómönnum sem áttu ekki þess kost að kjósa vegna þess að þeir fóru út áður en utankjörstaðakosning var opnuð og komu ekki í land fyrr en eftir kosningar.Slæmt mál ef rétt er en þú veist kannski meira um þetta mál en ég þar sem ég bý út í noregi.

[Kristinn Karl Brynjarsson, 23.10.2012 kl. 20:37]

Ég hef ekkert heyrt af hugsanlegri kæru vegna þessarra kosninga. Ég man ekki í svipinn hversu löngu fyrir kjördag, eigi að opna á kosningar utan kjörfundar.

Það væri vissulega alvarlegt, ef farið hefur verið á svig við lög er kveða á um það.

[Hrólfur Þ Hraundal, 24.10.2012 kl. 00:03]

Höfuð málið er eins og við kosningu til stjórnlaga þings að meiri hluti landans taldi að sér kæmi þessi leikþáttur Jóhönnu ekki við, að öðru leiti en að hann þurfti að kosta hann. 

Við þetta má bæta að hin svokallaði þjóðfundur sem er Jóhönnu mjög heilagur og hafði mig innanborðs, þrátt fyrir að mér sýndist að vinstrisinnaðir og kennarar væru í verulegum meirihluta og er ég þó ekki kennari og ekki verulega til vinstri.  

En þarna sýndist mér að undantekningin sannaði regluna.