Lausar ,,límingar" aðildarsinna.

Það er með ólíkindum, að í hvert sinni sem róður ESB við að halda í horfinu, eða í það minnsta að fara sem skást út úr kreppunni þyngist, þá er eins og aðildarsinnum langi aldrei eins mikið þangað inn.

 Það getur varla annað en verið skynsemi, að draga sig út úr viðræðum, við eitthvað sem enginn veit í hvað er að breytast. Líkt og segja má um ESB, eins og staðan er í dag.

Rökin um að þjóðin sé ,,rænd" tækifærinu um að kjósa um aðild, eru líka hlægileg og í raun enn ein birtingarmynd örvæntingar aðildarsinna.   Það er nú svo að sá eini flokkur, sem boðaði afdráttarlaust ESB umsókn í undanfara síðustu þingkosninga, fékk einungis 29% atkvæða. Varla er því hægt að segja að umsóknin sem slík sé lýðræðisleg.

Enda felldu aðildarsinnar í þinginu tillögu um að það færi í þjóðaratkvæði, hvort sótt skuli um aðild, þrátt fyrir að þeim tíma hafi flest bent til að umsóknin hefði orðið ofan á slíku þjóðaratkvæði.   Það er því spurning hvor fylkingin óttist þjóðaratkvæði.  Hvort sem það er tilviljun eða ekki, þá erum við nær undantekningalaust að tala um sömu þingmenn og máttu ekki heyra á það minnst, að Icesavesamningarnir færu í þjóðaratkvæði.

En það hlýtur hver sá maður, sem ekki er frávita af örvæntingu, að sjá að samningsstaða Ísland í aðildarviðræðunum getur vart talist góð, á meðan ESB logar stafnana á milli og kreppan leggst yfir Evruland líkt og svarta þoka.

Vill ESB-umsóknina á ís

Athugasemdir

[Helgi Rúnar Jónsson (IP-tala skráð) 19.8.2011 kl. 15:49]

Hefur þú ekki verið á landinu nýlega..??, það var ákveðið af meirihluta alþingis að fara í þessar viðræður, það verður nú varla lýðræðislegra en það. Það sem stingur hinsvegar í augun er sú hræðsla íhalds og afturhaldssinna um að veita þjóðinni rétt til að kjósa um þá samninga sem eru í boði eftir viðræðurnar. Svo er þetta tal ykkar aðildarandstæðinga um kreppuna í ESB, eins og að það sé hvergi kreppa annarstaðar, hvernig er staðan í draumalandinu ykkar, Bandaríkjunum..??. Staðan þar er þannig að Bandaríkin eru gjaldþrota og voru það fyrir laungu síðan, og alríkisstjórnin er búin að prenta innistæðulausa dollara í mörg ár. Staðan í Arabaheiminum er þannig, að þar sem ekki er bylting í gangi og upplausn, þar er fólkinu haldið í helgreypum einræðisherra sem stórgræða á alltof háu olíuverði. Hvort sem ykkur aðildarandstæðingum líkar betur eða verr, að þá erum við öll háð hvort öðru, verðum að eiga viðskipti við hvort annað og eiga í almennum samskiptum eins og siðaðra þjóða er vant. En þið skiljið það ekki, viljið bara einangra þjóðina frá umheiminum vegna þess að það er of svakalegt fyrir ykkur að horfa á hvernig heimskreppan er að fara með heiminn.Í guðsbænum reynið nú að fara að taka hausinn ykkar útúr svörtustu afkimunum og reynið að hugsa um þessar aðildar viðræður í aðeins víðara samhengi...pleeas. 

[Kristinn Karl Brynjarsson, 19.8.2011 kl. 16:44]

Ég hef alveg verið á landinu undanfarin ár, en þessi svokallaði meirihluti Alþingis var fenginn fram með hótunum um stjórnarslit og þaðan af verra.

Burt séð frá því að það ferli sem að málið er komið í þ.e. fyrir lifandis löngu búið að sjá hvað er í þessum svokalaða poka, eins og talað var um, þá er það ESB, sem sótt var um aðild að, löngu dáið og ný týpa af ESB að koma fram....

Svo finnst mér það skelfilega barnalegt af aðidarsinnum, að klifa stöðugt á þessum samskiptum við siðaðar þjóðir.  Halda aðildarsinnar virkilega, að Íslendinga hætti að hafa samskipti við aðrar þjóðir, verði hætt við aðildarviðræðurnar, eða samningurinn felldur í þjóðaratkvæði?

[Ólafur Björn Ólafsson, 19.8.2011 kl. 18:54]

Ég vissi ekki betur en að Ísland séí stórviðskiptum við ðarar þjóðir... Það þarf kanski að troða okkur nauðugum inní brennandi báknið til að geta haft samband við þessar þjóðir sem við erum nú þegar í viðskiptum við???

Skyl ekki þessa áráttu aðildarsinna að vilja troða okkur inní brennandi bákn þegar okkur virðist best borgið fyrir utan það.

það er á svona stundum sem við reynum að bjarga úr brunanum því sem hægt er, ekki koma okkur inní brunann. Við getum farið og ransakað brunann þegar búið er að slökkva eldana...

ég vil ekki inn í svona brunastað þar sem ég hef ekki búnaðinn til þess (landið ekki heldur)... Það er best að horfa á úr fjarlægð og meta aðstæður uppá nýtt.

Nei við aðild að spillingarbandalaginu í Brussel...

Kaldi