Allt að gerast hjá hæstvirtum forsætisráðherra........ eða þannig.

Það er ekki öfsögum sagt að hæstvirtur forsætisráðherra hafi haft í mörg horn að líta, í þeirri viku sem nú er að líða.  Ofan á gengdarlaust álag á konugarminn, við  endurreisnina, þá dettur mönnum það í hug að angra konugarminn með spurningum  um , hvað þessari endurreisn líði og hvaða stefnu eigi að taka?

 Já og svo dettur þessu fólki sem að situr með henni á Alþingi að þreyta konugarminn með spurningum um hvaða efnahagsstefnu sú ríkisstjórn  er hún hefur í tvö ár rúm verið  í forsæti fyrir hafi í efnahagsmálum?

Stefna stjórnarflokkanna, hvors um sig, er að vísu nokkuð ljós í veigamiklum málum.  En hugsanlega er sá galli á gjöf Njarðar að stefnur flokkanna ríma engan vegin, við hvor aðra. 

Annar flokkurinn stefnir að hraðbyri að ESB-aðild, hinn flokkurinn ekki.  Annar flokkurinn, sá sem vill í ESB, vill ekki sjá þessa krónu og tilkynnir andlát hennar, hvar og hvenær sem hægt er að koma því við og einhver nennir að hlusta.  Hinn flokkurinn vill hins vegar halda krónunni  um ókomna framtíð. 

 Annar flokkurinn vill, í það minnsta í orði kveðnu,  byggja upp atvinnulífið með nýtingu orkuauðlinda og fleiri kosta, þar sem einkaframtakið fær að njóta sín að einhverju marki. Hinn flokkurinn vill  hins vegar ,,eitthvað annað“ og sér rautt er hann heyrir minnst á eitthvað með ,,einka“ fyrir framan.  Svo fátt eitt sé nefnt.

 Svo til þess að bíta hausinn af skömminni, þá eru allir orðnir frekir, óþolinmóðir og svartsýnir í biðinni eftir því að eitthvað hér fari upp á við og stjórnarandstaðan eins og hún er, rífandi kjaft og ekki einu sinni með efnahagsstefnu upp á vasann.

Já mann skal ekki undra að stöðugt þyngist undir fæti hjá hæstvirtum forsætisráðherra.................

 En kannski er bara best að bíða af sér, næstu daga, eða jafnvel bara fram yfir næstu helgi, þarnæstu eða......................    Það er sko allt að gerast, en gerist samt ekkert  fyrr en seinna................

Athugasemdir

[Jón Sveinsson, 18.3.2011 kl. 15:45]

Góðan og blessunarríkan daginn Kristin

já blessunin hún er svo elskuleg hún byrjar þó á því að lofa okkur þessum þúsundum starfa það er svo gott að lofa, Ég lofa þó ykkur störfum hvað annað viljið þið kerlingar anginn hún er svo góðhjörtuð við ætlum að leifa ykkur að borga E OG H, NEI ÉG SKIL EKKERT Í ÞESSARI ÞJÓÐ ÞIÐ VILJIÐ EKKERT SEM ÉG VIL Þetta er hlutverk Jóhönnu í þessari óstjórn og svo eru menn hissa að fólk sé pirrað og reitt hvílík forheimska. því nei verður krossað við 9 apríl hjá mér...