Ekkert ólíklegra en margt annað.

Það er nú í sjálfu sér ekki skrítið að Samfó horfi til Guðmundar  Steingríms. Guðmundur  var þingmaður Samfó í Kraganum frá 2007 til 2009. Í prófkjöri fyrir þingkosningarnar 2009, var hins vegar meiri eftirspurn í Kraganum, eftir öðrum í Kraganum, en eftir Guðmundi,  enda tapaði hann þar fyrir mannvitsbrekkum eins og Árna Páli, Kötu Júl og Þórunni Sveinbjarnar.

Guðmundur ákvað hins vegar að reyna þá fyrir sér í Norðvestur kjördæmi í prófkjöri Framsóknar. Segir sagan, að í kringum það prófkjör, hafi ungir samfóistar í kjördæminu skráð sig í Framsók í löngum bunum, til þess eins að kjósa Guðmund og sagt sig úr flokknum að nýju, að loknu prófkjöri.

Síðan er það vissulega spurning, hverja Samfylkingin nær að draga til sín úr Framsókn auk Guðmundar. Augljósustu kostirnir eru líklegast, Siv Friðleifs og Birkir Jón Jónsson, en líklegast nást ekki fleiri yfir að öllu óbreyttu. Hinir sex sem eftir yrðu þá í þingflokki Framsóknar, eru nær örugglega ekki fáanlegir í lífgunartilraunir á núverandi ríkisstjórn.  Fátt mælir þó á móti því að þingflokkur Framsóknar kæmi að því sem ein heild, að mynda nýja ríkisstjórn.  

Síðan er það spurningin, hversu vel það fari í þingflokk Vg. og grasrót að Jóni Bjarna verði sparkað úr Landbúnaðar og sjávarútvegsráðuneytinu, þegar nýtt Atvinnuvegaráðuneyti verður til, með vorinu og Guðmundi Steingríms plantað þar inn.  Að vísu gæti losnað embætti menntamálaráðherra fyrir Jón, þegar Katrín Jakobsdóttir fer í barneingarleyfi. 

En þó ber að huga að því, að verði þetta að veruleiku með Atvinnuvegaráðuneytið, þá verður Katrín Júlíusdóttir, núverandi Iðnaðarráðherra, án ráðherraembættis auk þess sem að Vg. hefðu þá fleiri ráðherra en Samfylking í ríkisstjórn.  Eins er allt eins líklegt að nota verði embætti menntamálaráðherra undir Siv eða Birki Jón, til þess að tryggja stuðning þeirra við stjónina. 

 

„Missa sig í spunanum“

Athugasemdir

[BB (IP-tala skráð) 29.12.2010 kl. 11:33]

"hinir 3 sem eftir yrðu" skil ekki alveg ? eru ekki 9 í þingflokki Framsóknar núna. Ef 3 fara, eru þá ekki 6 eftir - þ.e. Sigmundur Davíð, Höskuldur, Gunnar Bragi, Vigdís Hauks, Eygló Harðar, Sigurður Ingi

[Kristinn Karl Brynjarsson, 29.12.2010 kl. 14:06]

Jú takk fyrir ábendinguna BB.  Ég leiðrétti þetta hið snarasta. 

[Raunsær (IP-tala skráð) 29.12.2010 kl. 14:52]

Rétt skal vera rétt hann var varaþingmaður 2007-2009 hann fór aldrei í prófkjörið 2009.