Þýðir dræm kosningaþátttaka að þjóðin vilji ekki breytingar?

Svarið við spurningu í fyrirsögn, er líklega ,,NEI".  Hins vega er meira en líklegt að þó þjóðin nánast öskri á breytingar, þá eru þær breytingar líklegast ekki ný stjórnarskrá. Í það minnsta virðist slíkt ekki vera í forgangi hjá stærstum hluta þjóðarinnar.

Hvaða breytingar skildi þjóðin þá vera að kalla á, sem í rauninni koma breyttri stjórnarskrá ekkert við?  Skildi það vera lausn á skuldavanda heimilana og að hjól atvinnulífsins fari að snúast aftur?
Að stjórnvöld forgangsraði þannig, að útgjöld til heilbrigðismála og menntunar, verði ekki nánast sem afgangsstærð?
Að þeim sem minnst megi sín verði tryggt næg afkoma, þannig að vikulegar ferðir í hjálparstofnanir eftir matargjöfum, heyri sögunni til?

Liklega er eitthvað ofantalið, ef ekki allt ofar á forgangslista þjóðarinnar, en stjórnlagaþing og ný stjórnarskrá.  Stjórnvöldum ber því að taka þessari dræmu kosningaþátttöku sem skilaboðum um að nú sé tími látalæta liðinn og tími athafna og framkvæmda kominn, þó fyrr hefði verið.

Um 30% búin að kjósa

Athugasemdir

[Andri (IP-tala skráð) 27.11.2010 kl. 21:57]

Ég held reyndar samt að stór hluti Íslendinga vilji svona persónukjör þó þeir sýni það ekki í verki núna.  En þetta gekk svona illa af því það voru alltof margir í framboði, hefði þurft að láta frambjóðendur koma með fleiri meðmælendur og jafnvel borga 10.000 fyrir að taka þátt í framboði.

[Björn Jónsson, 27.11.2010 kl. 22:19]

Þjóðin vill alveg breytingar en ekki þessa sýndarmennsku. Við kjósum löggjafa á 4. ára fresti og kjörnir fulltrúar í þeim kosningum eiga að vinna þess vinnu, beyta stjórnarkránni eftir þörfum og reka þjóðfélagið sómasamlega svo allir þegnar þjóðfélagsins megi vel við una. Við erum fámenn þjóð en búum yfir miklum auðlindum og því ættu allir að geta haft það gott í þessu gjöfula landi. Áfram Ísland

[Jóhann, 27.11.2010 kl. 22:26]

Ástæðan fyrir dræmri kjörsókn er að fólki finnst þetta vera skrípaleikur, að velja fólk á þetta þing er flóknara en skattskýrsla hjóna með langveikt barn þar sem annað er í námi og hitt með tekjur í fjórum löndum.

Einnig skilur fólk ekki af hverju þeir sem hitta að setja vinsælasta aðilann í efsta sæti á sínum lista hafa fleiri atkvæði en þeir sem hitta ekki svo vel.

Ef kosningin hefði verið að þannig að þú velur 5 aðila sem allir fá eitt atkvæði frá þér og svo eru bara þeir með flestu atkvæðin inni, þá væri þáttakan mun betri.

Eflaust hefur sú staðreynd að alþingi þarf ekki einu að lesa það sem kemur frá stjórnlagaþinginu áður en það fer í tætarann líka áhrif.

Þetta er því í huga fólks peninga- og tímasóun.

[Björn Jónsson, 27.11.2010 kl. 22:39]

Já Jóhann þetta er alger peningasóun bæði þessar stjórnlagkosningar og landsdómurinn Þetta kostar okkur nokkur hundruð milljónir það væri örugglega hægt að nota þessa peninga í velferðarkefið okkar með betri árangri

[Neytandi (IP-tala skráð) 27.11.2010 kl. 22:51]

Hjartanlega sammála þér Kristinn !

Kosningarnar eru peninga- og tímasóun !

Svona svipað eins og að spila á fiðlu á meðan landið brennur.  Hjól atvinnulífsins eru að stöðvast og fólk flýr land.

[Árni Björn Guðjónsson, 28.11.2010 kl. 09:03]

Það eru fyrirtækin sem þurfa að taka á í atvinnumálunum.Þau þurfa í kröftuga markaðssókn erlendis og innanlands.

Rikisstjórnin er þ´vi miður bundin í báðaskó vegna fjárskorts.

Fyrirtækin hafa aðra möguleika t.d netið til að markaðssetja sig.

Enda er þar r-ng stefna að rikið sjái um atvinnumál landsins.

Það var gert í austantjaldslöndum her áður fyrr ekki lengur.