Katrín og Gylfi, vilja breyta lögum núna. Afhverju ekki í fyrra haust, þegar beiðni um slíkt var borinn fram í ríkisstjórn?

"Bæði Katrín Júlíusdóttir iðnaðarráðherra og Gylfi Magnússon viðskiptaráðherra kváðust á fundinum vilja breyta lögum um erlenda fjárfestingu, að sögn Margrétar. Þá hefur meirihluti nefndar um erlenda fjárfestingu ítrekað hvatt ráðherra til þess að breyta lögunum, en ekkert hefur hreyfst í ráðuneytunum í þá átt. Því er nokkuð ljóst að ekki er sátt í ríkisstjórninni um það hvort og þá hvernig eigi að breyta lögunum um erlenda fjárfestingu."

 Nú er það ljóst, að snemma síðasta haust, eftir að OR seldi Magma sinn hlut í HS-Orku, að þingflokkur Vinstri grænna fól, formanni flokksins, að leita leiða í ríkisstjórninni, til þess að breyta lögum um erlenda fjárfestingu og koma þar með í veg fyrir sölu Geysis Green Energy á hlut sínum í HS-Orku, eins og vitað var, strax síðasta haust, að stóð til.

 Hver var afstaða þessara ráðherra þá?  Hafi þeir viljað breyta lögum þá, afhverju var ekki drifið í því þá, þegar vitað var að salan á meirihluta HS-Orku, var framundan? Hvað stoppaði þau?

 Þessi orð Gylfa og Katrínar eru ekki sannfærandi og verða að skoðast sem nokkurs konar "hvítþvottur" og yfirklór yfir þá skömm blasir við vegna aðgerðaleysis þeirra. 

Hafi þau eða aðrir metið svo að lagasetning þessi gæti beðið, þá lýsir það engu öðru en vanhæfi núverandi stjórnvalda, til þess að vernda hagsmuni þjóðarinnar.

Íhugar að kæra málið til ESA

Athugasemdir

[Arnór Valdimarsson (IP-tala skráð) 12.7.2010 kl. 20:37]

Guði sé lof fyrir fólk eins og Margréti á Alþingi.

Sem þorir að standa í 4flokka samspillingunni.

[Ingibjörg Guðrún Magnúsdóttir, 12.7.2010 kl. 20:44]

Þetta er góður pistill hjá þér Kristinn á samantektinni og það er á hreynu að Margrét þarf stuðning frá fólkinu í landinu til að takast að uppræta þetta.

[Sigurður Haraldsson, 12.7.2010 kl. 21:46]

Lifi lýðræðið niður með fjórflokkinn!