Frétt sem týndist?

Um miðja síðustu viku, las ég frétt á pressan.is um þingmannanefndina, sem skera á úr með ráðherraábyrgðina, vilji skoða, hvort ekki eigi að athuga verk fleiri ráðherra en þeirra þriggja, sem liggja undir ámæli um vanrækslu samkvæmt skýrslunni.

 Ég veit ekki hvort að hasarinn um lanamál Seðlabankastjóra, sem í raun er hætt að snúast um laun Seðlabankastjóra, heldur um trúverðugleika, þeirra aðila sem þar koma við sögu ásamt fréttum af handtökum, hafi drekkt þeirri frétt, eða ekki í öðrum miðlum.  

 Sé þingmannanefndin í þeim hugleiðingum, sem ég lýsi hér að ofan, má spyrja, hvort ekki sé annar "ráðherrakapall" í spilunum, en oftast er getið.

 Í núverandi ríkisstjórn sitja þrír ráðherrar, er voru stjórn er hrunið dundi yfir og í það minnsta tveir þeir þeirra bjuggu yfir upplýsingum, sem aðrir gerðu ekki, þó svo að þær upplýsngar hefðu ekki snert beint verksvið þeirra ráðuneyta.

 Jóhanna Sigurðardóttir, forsætisráðherra var félagsmálaráðherra í þeirri ríkisstjórn og var í þessari "Súperráðherranefnd" sem skipuð var um efnahagsmálin og samninga við norrænu seðlabankana, vorið eða sumarið fyrir hrun.

 Össur Skarphéðinsson, utanríkisráðherra, var iðnaðarráðherra og staðgengill utanríkisráðherra í veikindum hennar og sat, þar af leiðandi, einhverja fundi, þar sem staða bankana var rædd.

 Kristján L. Möller, þá og núverandi  samgönguráðherra, hefur sjálfsagt lítið vitað umfram það sem rætt var á formlegum ríkisstjórnarfudnum. Sama má í rauninni segja um Þórunni Sveinbjarnardóttir, þingflokksformann Samfylkingar og fyrrv. umhverfismálaráðherra.

 Þegar Björgvin G. Sigurðsson, fyrrv. viðskiptaráðherra, ákvað í kjölfar Skýrslunar að draga sig í hlé, til þess að skapa þingnefndinni, frið til þess að ræða sín mál og forða nefndinni frá því að hafa "óþæginlega" nærveru við sig, fagnaði Jóhanna því og kallaði ákvörðun Björgvins ábyrgðarfulla.

 Þá er það spurningin hvað henni finnst um það að nefndin ætli að skoða fleiri ráðherra og skildi henni finnast það líklegt að þeir ráðherrar, hafi "óþæginlega" návist við nefndarmenn.

 Skildi í það minnsta tveimur nefndarmönnum, finnast það þæginlegt að vera að rannsaka mál síns flokksformanns, á meðan hann gegnir embætti forsætisráðherra og starfar væntanlega með þeim í þingflokknum?

  

 

Ríkisstjórnin fundar enn

Athugasemdir

[Benedikta E, 9.5.2010 kl. 21:01]

4 í þingliði Samfylkingarinnar voru ráðherrar í svokallaðri hrun stjórn - Jóhanna - Össur - Kristján Möller og Þórunn Sveinbjarnar sem nú er þingflokksformaður - Þau eiga öll að segja af sér.........!

[Kristinn Karl Brynjarsson, 9.5.2010 kl. 21:12]

Reyndar líka tveir þingmenn Sjálfstæðisflokksins enn á þingi sem að voru í stjórn. Og þá spurning um þeirra aðkomu.

En aftur á móti, þá hefur staða Þórunnar veikst eftir þessa Seðlabanka-uppákomu. Hafi hún tekið sér svona afgerandi stöðu, eins og hún gerði, með hugsanlegum lygum Jóhönnu.

Seðlabankamálið, er orðið mun alvarlegra, en 400 þús hækkun á mánuði. Það snýst orðið um trúverðugleika tveggja ráðherra, þingflokksformanns Samfylkingarinnar (Þórunni), formann bankaráðs og hugsanlega líka seðlabankastjóra.

[Benedikta E, 10.5.2010 kl. 14:54]

Sammála þér Kristinn þetta er graf alvarlegt mál - sem örugglega verður reynt að þagga niður með því að seðlabankastjóri fái ekki þessa launahækkun.

En það bara breytir ekki alvarleika málsins.

[Kristinn Karl Brynjarsson, 10.5.2010 kl. 15:20]

Formaður bankaráðsins, er líka hæstaréttarlögmaður og sem slíkur bundinn siðareglum lögmanna. Í þeim siðareglum eru yfirhilmingar, litnar hornauga, svo ekki sé meira sagt.

Svo er Lára V. settur saksóknari vegna máls Alþingis gegn níumenningunum og nýtur varla trúverðugleika sem slíkur á meðan málið er óupplýst. Varla hefur hún trúverðugleika gagnvart Héraðsdómi, eins og mál standa.