Tryggir samtal við "verri" kosti betri samningsstöðu?

Kannski fer bara svo að Sigmundur "neyðist" til að mynda vinstri stjórn. Eða skila umboðinu. Takist honum það ekki. Án umboðs er hann með neikvæða samningsstöðu......

Áframhaldandi vinstri stjórn gengur að velferðarkerfinu dauðu, veikir enn frekar stöðu Íbúðalánasjóðs, eykur ríkisútgjöld Staða lántakenda óbreytt eða verri o.s.f.v.

ESB-málin sönsuð með þjóðaratkvæði um umsóknina í haust.  Óvíst væri þó að samningsferlini lyki á kjörtímabilinu.

 Þar sem  venjan er ekki sú  að ESB ljúki við aðildarsamninga nema nokkuð ljóst sé að aðldin verði samþykkt í þjóðaratkvæði í umsóknarlandinu.

Sú staða gæti þá komið upp að menn neyddust til þess að verja "gróðanum" af samningum við kröfuhafanna til annarra nota.

Spurning hvort að slík stjórn myndi ekki slá met fráfarandi stjórnar, í fylgistapi,  í lok nýbyrjaðs kjörtímabils?

Líklegast er bara best að anda með nefinu og bíða átekta. Óþarfi að eyða tíma í maddömmu sem daðrar í allar áttir....

Í það minnsta er það ekki gáfulegt að hefja stjórnarmyndunarviðræður við einhvern sem er með alla glugga og dyr opnar.  Við slíkar aðstæður getur aldrei ríkt sá trúnaður og traust sem slíkar viðræður útheimta.

Framsókn ekki með „einkaleyfi“

Athugasemdir

[Hans Haraldsson (IP-tala skráð) 1.5.2013 kl. 02:02]

Er Sigmundur Davíð ekki bara að minna Sjálfstæðismenn á að Framsókn er nú jafningi og að málefnasamningur flokkanna þarf að endurspegla það? Sumir Sjálfstæðismenn virðast ætla að vera lengi að melta þau sannindi að flokkurinn er ekki lengur lykilaflið - með ákveðnum greini - í íslenskum stjórnmálum með atkvæði 1/3 kjósenda í fastri áskrift.

Ég hef fyrir mitt leyti meiri áhyggjur af Bjarna. Það verður seint sagt að hann hafi stáltaugar og kannski væri hann vís með að hlaupa í stjórn með Samfylkingu og BF í taugaveiklunarkasti.

Það yrði skelfileg stjórn.

[Jón Steinar Ragnarsson, 1.5.2013 kl. 09:49]

Þetta styrkir einmitt samningstöðu Sigmundar gagnvart Sjálfstæðismönnum. Hann ætlar að mynda stjórn með þeim, en hann vill fá lykilráðuneytin og eftirgjöf sjálfstæðismanna í ákveðnum áherslumálum.

Hann er að reyna að vera klókur, þótt það sé ansi gegnsætt.

[Grímur (IP-tala skráð) 1.5.2013 kl. 10:40]

Eftir viðræður við hina flokkan þá verður Sigmundur á hnjánum þegar kemur að Bjarna því Bjarni mun vita nákvæmleg hvað hinir buðu.

Nema að fólk haldi að það sem fram fer íinnan þingflokkana leki ekki út?

[Tómas Ibsen Halldórsson, 1.5.2013 kl. 14:19]

Ég held að það liggi meiri kænska á bak við það sem Sigmundur Davíð er að gera, en menn geri sér grein fyrir.  Það verður ekki sagt um hann að hann hafi hoppað beint í fang Sjálfstæðisflokksins og hann gerir Sjálfstæðisflokknum grein fyrir því að þeir eru ekki upphaf og endir alls.

Bæn mín er sú að hann (Sigmundur) og aðrir þingmen leggi meiri metnað í góða samvinnu við lausnir mála en við höfum séð síðustu fjögur ár.  Mér sýnis Sigmundur einmitt vera að reyna að leggja grunn að því, að fá alla til að vinna saman, þó svo að það veði ekki allir í nýrri stjórn hans.