Er vantrauststillagan "þumalskrúfa"?

  Róbert Marshall  siitur  ekki á þingi þessa daganna. Og verður væntanlega ekki í þinginu á þriðjudaginn.   Heldur varamaður hans. Sá varamaður tilheyrir Samfylkingunni.

 Auk þess sem meiri líkur en minni eru á því að Guðmundur Steingrímsson sitji hjá.  Þannig að líklegast lafir nú stjórnin. 

En afhverju vill Þór bíða til þriðjudags? En ekki bara láta kjósa um tillöguna á morgun? 

Nú Þór telur sig vera kominn með velferðarstjórnina í þumalskrúfu og gefur henni þessa fimm eða sex daga til þriðjudagsins. Til þess að gera skothelda áætlun hvernig stjórnarskrármálið verði keyrt í gegn. Með góðu eða illu. 

 

Stjórnin svaraði ekki tillögum

Athugasemdir

[Guðmundur Ásgeirsson, 21.2.2013 kl. 01:12]

Þetta á eftir að enda með því að ekkert verður úr neinu hjá þessu fólki.

[Jón Valur Jensson, 21.2.2013 kl. 03:16]

Skárra væri þó, að ekkert yrði úr því, heldur en hinu, að 111. greinin með fullveldisframsalsheimildinni í þágu Evrópusambandsins yrði smyglað inn í sjálfa stjórnarskrá lýðveldisins, sem á að standa óhvikulan vörð um sjálfstæði og fullveldi landsins. Sá var ein mitt vilji Þjóðfundarins 2010 -- ekki þessi tillaga ESB-Þorvaldar Gylfasonar & áhangenda hans.

Sjá grein eftir Þorkel Á. Jóhannsson flugmann: '111. gr. stjórnarskrárfrumvarpsins', í Mbl. 6. þ.m. = http://www.mbl.is/greinasafn/grein/1453999/

Hann lítur þar m.a. á hvað þjóðfundurinn lét frá sér fara um fullveldið, "um það er þessar setningar að finna á vefnum „Þjóðfundur 2010“:

Undir fyrirsögninni „Friður og alþjóðasamvinna“:

„Ísland skal vera fyrirmynd annarra þjóða, sem vopnlaus og friðsöm þjóð, sem virðir alþjóðasamninga með sjálfbærni í huga án þess að afsala fullveldi þjóðarinnar.“

„Ísland stuðli að friði í heiminum og eigi gott alþjóðlegt samstarf þar sem mannréttindi, sjúkdómavarnir og fullveldi Íslands verði í heiðri höfð.“

„Ísland sé málsvari friðar og styðji ekki að ágreiningsmál séu leyst með stríðsátökum eða hernaði. Ísland taki þátt í alþjóðasamstarfi, sérstaklega norrænu og tryggi fullveldi Íslands í gegnum alþjóðasamstarf.“

Og undir fyrirsögninni „Land og þjóð“:

„Stjórnarskráin er grunnsáttmáli sem tryggir fullveldi, sjálfstæði og jöfnuð Íslendinga, varðveitir íslenska tungu, skilgreininir hlutverk forseta og aðskilnað ríkis og kirkju.“

Auk þessa má finna á sama vef nokkrar setningar um „sjálfstæði“ sem allar koma í sama stað niður, m.a. þessa undir fyrirsögninni „Friður og alþjóðasamvinna“:

„ Íslendingar stuðli að heimsfriði. Efli alþjóðasamvinnu en passi upp á sjálfstæði landsins [...].“

Sem sagt, afar vandséð er hvernig lesa má út úr þessum niðurstöðum þjóðfundarins að heimila skuli afsal ríkisvalds/fullveldis okkar ..." (Tilvitnun í hina góðu grein Þorkels, eina af mörgum, lýkur.)

"Stjórnlagaráðið" ólöglega til stofnaða sveik þessi princíp um sjálfstæði og fullveldi landsins. A.m.k. 11 ESB-sinnar sátu í ráðinu, sennilega rúmlega helmingur hinna 25 sem þangað voru lokkaðir inn, þvert gegn þágildandi lögum um stjórnlagaþing (og vitaskuld hæstaréttarúrskurði!).

[Heimir Lárusson Fjeldsted, 21.2.2013 kl. 09:36]

Enn ein markleysan hjá Hreyfingunni.