Bílaleigubíllinn og Nubo.

Einhverjum mánuðum áður en áhugi Nubos á Grímsstöðum varð opinber var frétt í DV af ferðalagi  mágs Össurar utanríkis og Kínverja nokkurs að nafni Huang Nubo.

Alla jafna birtast nú ekki fréttir af því í blöðum, þó Íslendingur taki það að sér að aka Kínverja um landið okkar. Jafnvel þó svo kínverski heiti Nubo og sá íslenski sé ekki bara mágur utanríkisráðherra, heldur einnig maki Ingibjargar Sólrúnar.

Hins vegar vakti það athygli blaðamanna DV að bifreið sú sem þeir félagar óku saman á um landið, var bílaleigubíll sem Utanríkisráðuneytið tók á leigu og greiddi fyrir.  

Hvort sem að sú saga sé sönn , eða ekki, sem sögð var þegar upp komst um bílaleigubílinn, að Hjörleifur Sveinbjarnarson mágur Össurar hafi boðið Nubo hingað til lands, vegna þess að þeir væru gamlir skólabræður frá námsárum Hjörleifs í Kína.   Þá breytir það því ekki að skoðunarferðinn norður á Grímsstaði var í boði íslenskra stjórnvalda eða öllu heldur í boði íslenskra skattgreiðenda. Sem borga jú bílaleigubílinn á endanum.

Huang: „Reiður og pirraður“

Athugasemdir

[Valdimar Samúelsson, 4.12.2012 kl. 07:49]

Það var líka talað um að þetta hefði verið ráðherrabíllinn þ.e. bíll sem Össur hafði til eigin afnota. Það er einkennileg samtrygging þessara manna að það kærði þetta engin á sínum tíma. Ef þetta er ekki í anda Kínverja hvað er þá í anda þeirra en allir ''Númbóar'' í Kína fá að hafa blá blikkandi ljós á Bensunum sínum. Sama og lögreglan hér og þröngva sér í gegn um umferðina eins og ekkert sé sjálfsagðara.