Endurunnin frétt RÚV um innstu þrá Steingríms J.

Það var dáldið sérstakt og jafnvel súrealískt að sjá  endurunna frétt á RÚV að kvöldi laugardags, um ósk Steingríms J. í umræðum um stefnuræðu forsætisráðherra á miðvikudagskvöld.  Þar sem Steingrímur reifar sína innstu þrá, þess efnis  að Sjálfstæðisflokkurinn verði sendur í áframhaldandi frí í næstu kosningum.  Enda hlutverki Steingríms ekki lokið, þar sem enn á eflaust eftir að banna eitthvað eða skattleggja.  Nú eða ylja fleiri gæðingum við kjötkatla velferðarstjórnarinnar.

Fréttin öðlast hvorki nýtt líf né vængi, þó sýnt sé brot úr viðtali við Jóhönnu frá miðvikudagskvöldinu og vitnað í orð Björns Vals Gíslasonar, er bæði samsinna Steingrími.

Steingrímur er jú kannski manna sístur til þess fallinn að kveða upp slíka dóma. Enda flest af því góða sem hann telur sig hafa afrekað, var komið í það ferli sem það fór í, áður en að hann kom að þeim málum.

Axarsköft Steingríms, sem eru þó mun fleiri en það góða sem hann hefur ,,afrekað, hafa hins vegar gert það af verkum, að útkoman er langt frá því eins góð og lagt var upp með í upphafi.

Athugasemdir

[Gunnar Heiðarsson, 16.9.2012 kl. 10:51]

Svo er alveg eftir að sjá hvert fylgi þessara tveggja flokka verður, að loknum næstu kosningum. Ekki er víst að Samfylking verði neini stöðu til krafana að þeim loknum, gæti misst stórann hluta sinna þingmanna. VG má þakka fyrir að ná einhverjum þingmönnum inn og eins víst að formaðurinn sjálfur verði utan þings eftir næstu kosningar.

Er ekki rétt fyrir þetta fólk að tala varlega og lát kosningarnar líða, áður en það fera að mynda nýja ríkisstjórn? Og væri ekki rétt af ríkisútvarpinu að fara að snúa sér að alvöru fréttum?

Fréttastof RUV gæti t.d. gripið orð forseta ASÍ á lofti og sett saman fréttapistil um öll svik ríkisstjórnarinnar. Það gæti nægt í fasta daglega fréttapistla fram að næstu áramótum!