Að leiðrétta mistök og axla ábyrgð...

,,Ung vinstri græn gera þá skilyrðislausu kröfu að ráðherrar sem sitja í nafni flokksins fari að lögum bæði í orði og á borði og geti axlað ábyrgð gerist þeir sekir um mistök í starfi. Innanríkisráðherra ber að biðjast afsökunar á framgöngu sinni í þessu máli og leiðrétta mistök sín.“

 Ef að mig misminnir ekki, þá hvöttu Ung vinstri græn Svandísi umhverfisráðherra til frekari dáða, er hún tók nýföllnum  hæstaréttardómi á sig, af mun meira yfirlæti og hroka en Ögmundur gerði gagnvart úrskurði Kærunefndar jafnréttismála.  Þannig að krafa ungkommanna er víst ekki alveg skilyrðislaus.

 Það er í sjálfu sér ekkert að því að Ögmundur biðjist afsökunar á framgöngu sinni.  En hvernig á hann að leiðrétta mistök sín?  Reka þann sem hann skipað með milljónakostnaði  og ráða konuna sem  að kærði?

 Ætli hins vegar Ögmundur að axla ábyrgð í málinu, þá er í rauninni bara um tvennt að velja.  Hann greiði úr eigin vasa þær bætur, er fallið gætu á íslenska ríkið vegna málsins eða þá að hann segi af sér.

Afsögn myndi setja Ögmund snarlega á spjöld íslenskrar stjórnmálasögu, fyrir að vera fyrsti ráðherrann sem hrökklast, tvisvar út úr sömu ríkisstjórninni á sama kjörtímabilinu.

 Verri  þætti þó sumum afsögn Ögmundar, ef til hennar kæmi, því afsögnin hlyti því að teljast eðlileg afleiðing fyrir þann ráðherra sem brýtur jafnréttislög. Enda "Móðir jafnréttismála á Íslandi" hæstvirtur forsætisráðherra, með sama glæp á bakinu.

Reyndar er það nú svo að bæði Ögmundur og Jóhanna hafa er þau voru í stjórnarandstöðu krafist þess, að ráðherra sem jafnréttislöggjöfina segði af sér.  

En samt er það nú svo að þau tvö og aðrir af þeirra sauðahúsi, eiga mun auðveldara með það það að tala, í löngu máli, um almenna kurteisi og siðbót en að tileinka sér þessa eiginleika.

Athugasemdir

[Ásgrímur Hartmannsson, 31.8.2012 kl. 22:32]

Eins og ég sé þetta, þá er ekkert mál þess vert að segja af sér út af.

Maðurinn gæti verið pedófíll, og náðst í rúminu með dauðri 10 ára stelpu, en það væri ekkert til að stressa sig útaf.

Þegar maður er á þingi, þá fer maður ekkert þaðan. Púnktur.