Siðareglur Nýja Íslands, brauð fyrir lýðinn?

Rök Einars Arnar Benediktssonar borgarfulltrúa og formanns menningar og ferðamálaráðs borgarinnar, eru með því aumasta sem heyrst hefur lengi.

 Kjörinn fulltrú, hvort  sem það er í sveitarstjórn eða Alþingi, er kjörinn fulltrúi allt kjörtímabilið, 24/7, hvað almennar siðareglur og varðar.  Líka þegar viðkomandi er í fríi.

Ísland er það lítið land, að erfitt er að koma í veg fyrir að, kjörnir fulltrúar séu vinir eða jafnvel skildir einhverjum sem rekur fyrirtæki.  En það þýðir ekki að kjörinn fulltrúi geti, lagt embætti sitt til hliðar, til þess að þiggja góðgerðir vina sinna í atvinnurekstri.

Hvað skildu margir þingmenn, þekkja mann sem hefur aðgang að laxveiðiá?  Væri þá allt í lagi að þingmaður myndi þiggja boð um veiði í laxveiðiá, ef hann  bara gætti þess að þiggja boðið í eigin nafni, en ekki sem þingmaður.

Voru ekki allar boðsferðirnar, þvers og kruss um heiminn árin fyrir hrun, ekki bara vinargreiðar þeirra sem í þær buðu, við vini sína, sem þáðu boðið sem einstaklingar, en ekki sem kjörnir fulltrúar almennings?

Ef að settar eru siðareglur eða aðrar reglur sem taka til hegðunar kjörinna fulltrúa almennings, þá gilda þær reglur bæði í leik og starfi þessara fulltrúa.  En ekki bara þegar þessir fulltrúar eru klárlega í vinnunni.

Eða eru siðareglur Nýja Íslands bara brauð fyrir lýðinn? 

Borgarfulltrúi þáði boð í flugferð

Athugasemdir

[DoctorE (IP-tala skráð) 6.6.2012 kl. 12:27]

Einar Örn er búinn stimpla sig og Besta flokkinn inn sem enn eina spillinguna...Hann er meira að segja með sömu afsakanirnar og hitt spillingarpakkið;
Enginn lærdómur var dregin af hruninu og öllu því.

[Sigurður I B Guðmundsson, 6.6.2012 kl. 14:01]

Var þetta kannski bara "Gnarrar"grín?

[Kristján B Kristinsson (IP-tala skráð) 6.6.2012 kl. 19:42]

ég horfði á borgarstjórann í sjónvarpinu í kvöld, þar sem ég bý úti á landi þá hugsaði ég með mér hvort mælirinn sé ekki að verða fullur hjá Reykvíkingum yfir þessum endemis kjánaskap borgarstjórans.