Kannski rétt að hlusta og bregðast við núna???

Það er athyglisvert að sjá viðbrögð sumra aðildarsinna við fréttum sem þessari.  Viðbrögðin fela það oftar en ekki í sér, að þessar aðvaranir og spár, séu í rauninni fátt annað en fagnaðarlæti þeirra sem vilja evrusamstarfið feigt.

Það er einnig athyglisvert að setja viðbrögðin í samhengi við umræðuna hér frá ca. 2006 og fram að hruni.  Þá voru allir þeir sem höfðu í orðaforða sínum orð eins og ,,bankahrun", stimplaðir fjandsamlegir og öfundsjúkir út í  ,,íslenska undrið".  Einnig veitti þá sumum ekki af endurmenntun.

En hvernig skildi það nú vera í þetta sinn?  Ætli ESB þurfi endurmenntun eða þá þessir illa innrættu blaðamenn sem flytja  þessar fréttir, eða þá sérfræðingar þeir sem vitnað er í fréttunum? 

Er kannski ekki bara kominn tími á það að við förum að nýta okkur reynsluna til lærdóms og hlusta á aðvaranir annarra?  Þó þær aðvaranir kynnu að setja pólitíska hagsmuni einhverra í uppnám.

,,Það brakar og brestur"

Athugasemdir

[Axel Jóhann Axelsson, 10.12.2011 kl. 21:02]

Árni Þór, innlimunarsinni í flokki innlimunarandstæðinga, VG, sagði í útvarpsviðtali í dag að í innlimunarferli sem tæki tvö til þrjú ár væri ómögulegt að segja fyrir um, hvernig Evrópusamband Ísland yrði innlimað í, enda væri ESB í sífelldri þróun.

ESB hefur aldrei áður stökkbreyst í líkingu við það sem er að gerast núna þessa dagana, en samt sem áður taldi Árni Þór enga ástæðu til að bíða og sjá til hvaða breytingum ESB væri að taka, enda eins og áður sagði aldrei hægt að vita fyrirfram inn í hvað landið myndi innlimast.