Magn er ekki sama og gæði.

,,Í upphafi yfirlýsingarinnar segir m.a. að ríkisstjórnin sé „mynduð um að tryggja efnahagslegan og félagslegan stöðugleika og leita þjóðarsamstöðu um leið Íslands til endurreisnar – nýjan stöðugleikasáttmála“.

Það vantar ekki að undirritaðir hafa verið stöðuleika sáttmálar, viljayfirlýsingar og sátt um nýja löggöf um stjórn fiskveiða. En það er bara einn hængur á. Allir þessir samningar eru í dag, varla pappírsins virði.

Það er þar að auki svo, að ekki er eins og allar fyrri ríkisstjórnir, hversu góðar eða slæmar þær hafa verið, hafa nú komið ymsu í verk, þó vissulega sé það mismikið, eftir ríkisstjórn.  

Gæði ríkisstjórna verða þó varla mæld með fjölda þeirra aðgerða, er þær ráðast í eða þá fjölda mála er þær þvæla í gegnum þingið.

Gæðin hljóta fyrst og fremst að mælast í hversu mikið af aðgerðum ríkisstjórnarinnar gagnast fólkinu í landinu.  

Hafi hinn norræna velferðarstórn Jóhönnu Sigurðardóttur, gagnast fólkinu í landinu, t.d.  skuldsettum fjölskyldum og fólki sem er án atvinnu,  þá væri það meira en velkomið að alþjóð yrði kynntar þær aðgerðir.  Enda eru  þær nær allar duldar þjóðinni sem landið byggir.

Hafa lokið við 130 af 222

Athugasemdir

[Ásthildur Cesil Þórðardóttir, 5.11.2011 kl. 14:09]

Tek undir það.  Það vantar ekki hástemdar yfirlýsingar Jóhönnu og Steingríms um afrek sín, en þau eru ekki sýnileg hinum almenna manni, nema síður sé.  Það er nefnilega ekki nóg að tala um hlutina, ekki einu sinni nóg að hafa viljann til að gera þá.  Það eina sem blívur er að FRAMKVÆMA ÞAÐ GÓÐA SEM MENN VILJA GERA.  Allt annað er skrum og blekkingar.