Sama hvaðan ,,gott" kemur hjá Samfó?

Það er óhætt að segja að fjárfestingaráform Kínverjans sem hyggst kaupa Grímsstaði á Fjöllum, hafi vakið viðbrögð meðal þjóðarinnar.  Sitt sýnist hverjum, eins og eðlilegt er. 

Hvað stjórnmálaflokkana varðar, þá er merkjanleg andstaða við áformin í þeim öllum, utan Samfylkingar. Reyndar kemur það ekki á óvart.  Án þess að fara í djúpar rannsóknir á tengslum kínverjans við íslenska aðila, þá enda tengslin inn í Samfylkingunni.

 Mágur utanríkisráðherra, Hjörleifur Sveinbjarnarson stundaði nám í Kína með Kínverjanum, fyrir nokkrum áratugum og hefur síðan haldið tengslum við hann. 

Talsmaður Kínverjans hér á landi, Halldór Jóhannsson er helsti ráðgjafi Össurar Skarphéðinssonar í málefnum Norðurslóða, auk þess sem hann veitti stjórnvöldum ráðgjöf varðandi stórskipahöfn í Gunnólfvík og alþjóðaflugvöll við Þórshöfn á Langanesi.

Hallldór þessi var með einkarétt á Akureyri á sölu miða á leiki er þar fóru fram á HM95 í handbolta.  Klúðraðist það mál gjörsamlega í höndum Halldórs og þurfti Akureyrarbær að reiða fram 14 milljónir, vegna ábyrgðar í málinu. Auk þess sem að Halldór var kærður til RLR, vegna þessa máls.

  Svo má nefna lakkrísverkssmiðjuævintýri í Kína, gjaldþrot nokkurra teiknistofa og Ferðaskrifstofunar Ratvíss, þegar viðskiptaferill Halldórs er tekinn saman, í stuttu máli.

 Svo má nefna að ráðgjafi Kínverjans hér á landi heitir Lúðvík Bergvinsson sem er fyrrv. þingmaður Samfylkingar í Suðurkjördæmi.  Lúðvík starfar nú sem lögfræðingur.

 Það er því nokkuð ljóst að hér er í uppsiglingu enn eitt deilumálið milli stjórnarflokkana í uppsiglingu og eflaust vonlítið fyrir Samfylkingu að fá stuðning stjórnarandstöðunnar í málinu, eins t.d. gert var í tilfelli gagnavers Novators í Keflavík.  Það er einnig ljóst að Samfylkingin lúffar ekki í þessu máli, án láta innan flokksins. 

 Enda er mottóið: ,,Sama hvaðan gott kemur", í hávegum haft hjá Samfylkingunni og gildir þá einu, um hvað sé að ræða.

Óeðlilegt að geta keypt stórar jarðir

Athugasemdir

[Pétur (IP-tala skráð) 4.9.2011 kl. 21:40]

Já þetta er augljóslega samsæri Samfylkingar, ESB, KGB (bæði enda á B) og ÓRG -- alltsaman útibú frá samfó. Ég er svo innilega sammála Bjarna B. Við viljum ekkert nema hvíta auðmenn og þeir eiga bara að fjárfesta í því sem við viljum að þeir fjárfesti í -- hvernig væri t.d. að bjóða út Strætó? Já eða hvalveiðiskip? Svo má benda Kínverjanum á að Perlan er til sölu (kannski að Davíð fáist í kaupbæti).