Vitringarnir þrír í Washington DC.

Þessir vitringar  þrír Árni Páll, Steingrímur og Mási í Seðló, bjuggu rauninni sjálfir til þessa hættu á lágu mati matsfyrirtækja, með yfirlýsingum sínum í aðdraganda Icesavekosninganna. Þeir töluðu jú allir mjög ábúðarfullir fyrir því að hér færi allt til fjandans, ef þjóðin tæki nú upp á því að kjósa ,,nei" við Icesave III.

 Þessir þrír bera hvað mesta ábyrgð á efnahagslífinu hér á landi og auðvitað leggja menn við hlustir ef þessir menn tala hér efnahagslífið niður.  Þó þeirra áróður fyrir já-inu hafi bara verið ætlaður til heimabrúks, þá ómaði hann um heimsbyggð gjörvalla.  

 Núna eru vitringarnir  þrír að reyna að sannfæra fjármálaheiminn um að þetta dómsdagsraus þeirra, hafi bara verið  ,,úlfur úlfur" og allt í plati. 

 Fólk getur svo reynt að ímynda sér, hvort að alþjóðlegir fjárfestar öðlist einhverja ofurtrú á Íslandi, eftir að hafa hlustað á þessa þrjá vitringa. 

 Vitringa  sem á örfáum vikum hafa talað Ísland frá því að vera nánast gjaldþrota einangrað eyríki, með ónýtan gjaldmiðil, yfir í það að vera land þar sem allt er í blóma. Gríðaruppgangur í öllum kortum er mæla efnahagshorfur og bata efnahagslífsins ásamt óteljandi tækifærum  til arðbærra fjárfestinga.

Engin áhrif á samstarf við AGS

Athugasemdir

[Jón Steinar Ragnarsson, 17.4.2011 kl. 17:08]

Já manni getur jú flökrað af minna tilefni.  Huggunin er sú að þetta eru gersamlega ærulausir menn fyrir vikið og ættu ekki að öllu eðlilegu að íþyngja okkur framar þegar þeim hefur verið komið frá.

[Jón Steinar Ragnarsson, 17.4.2011 kl. 18:29]

Eigum við samt ekki að kalla þá vitfirringana þrjá, sem koma með bull, ergelsi og pirru?