Skrumdrottningin í essinu sínu!!

Skrumdrottningunni er ekki fysjað saman. Eftir kröftugan skrumlúðrablástur um ofurskatt á ofurlaun. Ofurlaun  skilgreind voru sem laun á pari við hásetahlut á góðum frystitogara, við laun lækna, flugmanna, flugumferðastjóra og fleiri tekjuhárra stétta, sem líklegast létu sig hverfa af landinu, yrði slíkum 80% skatti skellt á svokölluð ,,ofurlaun".

Eftir að fagnaðarlátunum linnir eftir ofurskattaskrumið, er hlaupið til og launareikningurinn fluttur úr einni ormagryfjunni yfir í aðra. 

Einhvern vegin, til þess að fylgja ,,prinsippinu" til enda, þá hefði kannski Sparisjóður Strandamanna, sé hann ennþá starfandi, verið ákjósanlegri viðkomustaður fyrir laun Ólínu. Enda leggur megnan spillingarilm upp af Landsbanka þeim er starfar undir stjórn Bankasýslu ríkisins og er jú á ábyrgð þeirrar ríkisstjórnar er Ólína styður. Nægir þegar rætt er um spillingu og illan fnyk úr Landsbankanum að nefna Framkvæmdasjóð Lífeyrissjóðanna og allar æfingar honum tengdar. 

 Landsbankaspillinguna  á þó Ólína að öllum líkidnum betur með að þola, þar sem hún er á ábyrgð ríkisstjórnarinnar sem hún styður, en þá gríðarspillingu Arionbanka, að borga, með samþykki  stjórnar bankans, þar með talið fulltrúa Bankasýslu ríkisins, bankastjóra bankans tæplega þrjár milljónir í mánaðarlaun.

  En því er hins vegar ekki að leyna að ,,launasirkusinn" og skrumhlaðinn atriði hans, öskra á þá staðreynd að stjórnarliðum og fjölmiðlum flestum hefur ekki tekist að fókusera, á það sem lesa má úr ársreikningum bankanna.
   Reiðinni og refsigleðin, sem henni fylgir, er fyrst og fremst beint að launum tveggja bankastjóra, sem að hafa í sjálfu sér hvað þetta mál varðar, ekki unnið sér neitt til sakar, nema saknæmt sé orðið að þiggja þau laun sem í boði eru, hverju sinni.

 En séu ársreikningar bankanna skoðaðir, sést að afskriftarými þeirra hefur stóraukist í takt við snarbatnandi lánasöfn. Var sú staða ekki ljós, er Skjaldborgarsirkusinn var með sýningar í Þjóðmenningarhúsinu? En verri staða annarra lánastofnana, sem eru t.d. í rikisrekstri það slæmar, að þær hefðu aldrei þolað afskriftarými á við það sem Arionbanki og Íslandsbanki hafa í raun. Af þeim sökum hafi bankarnir tveir þurft að sníða sitt afskriftarrými, að stöðu verst stöddu lánastofnuninnar.

Ólína flytur bankaviðskipti

Athugasemdir

[Guðrún María Óskarsdóttir., 12.3.2011 kl. 00:43]

Skrumdrottning á vel við í þessu sambandi.

kv.Guðrún María.

[Gunnar Heiðarsson, 12.3.2011 kl. 08:19]

Það er auðvelt fyrir þá sem hafa sæmileg laun, eins og þingmenn, að færa sína launareikninga á milli banka. Fyrir okkur flest er þetta þó illmögulegt, þar sem viðskipti flestra fjölskyldna í landinu er í mínus innan bankans. Oftar en ekki skilyrða bankar að launareikningur sé hjá þeim, svo lá fáist. Því eru flestir fastir í sínum banka og eiga ekki möguleika á að flytja sig.

Því verðum við að láta það yfir okkur að ganga þó þessar stofnanir hafi fengið á silfurfati það sem við áttum í okkar húsnæði og þó þessir menn skammti sér ofurlaun. Fyrir margt af því fólki, sem nú er að reyna að draga fram lífið og standa við skuldbindingar sínar við bankann, dygðu ein mánaðrlaun stjórans til að koma því á rétt ról og vel það.

Svo er stór spurningin fyrir þá sem möguleika hafa á að færa sín viðskipti. Hvert á að færa þau? Er ekki sama í hvaða horni fjóshaugsins maður syndir?