Er bókhaldið í Fjármálaráðuneytinu ekki í lagi????

  Það hlýtur að teljast í besta falli óeðlilegt að sá tími sem það tekur að taka saman kostnað vegna samninganefndarinnar í Icesavedeilunni, hlaupi á einhverjum dögum eða vikum.  Allar launagreiðslur og greiðslur vegna þess kostnaðar sem nefndarmennirnir sjálfir hafa lagt út fyrir, hljóta að hafa verið greiddar út á bankareikninga þeirra og af þeim sökum að á að vera nóg að slá inn bókhaldslykilinn fyrir slíkar greiðslur. 

Hvað annan kostnað varðar eins og t.d. hótelkostnað og annan kostnað vegna dvalar nefndarinnar erlendis, þá þarf ekki að efast um það að reikningar fyrir þeim kostnaði hafi borist í ráðuneytið og þeir væntanlega greiddir og færðir í bókhald ráðuneytisins.  Þá upphæð sem liggur þar að baki er einnig hægt að nálgast með því að slá inn bókhaldslykil.

Óeðlilegar tafir á birtingu kostnaðar geta því vart haft aðrar útskýringar, en að menn í Fjármálaráðuneytinu, ráðuneytinu sem heldur utan um fjárreiður ríkisins kunni ekki á það bókhaldskefi sem ráðuneytið notar, allir reikningar ekki borist, en hægðarleikur er að greina frá slíku, við birtingu kostnaðarins, með þeim skilaboðum þegar sá kostnaður liggur fyrir þá verði það upplýst hver hann er og þeirri upphæð bætt við áður birtartölur. 

En kannski er ástæðan bara sú að, svo málið uppfylli öll skilyrði þeirra vinnubragða, sem ríkisstjórn Jóhönnu Sigurðardóttur hefur tamið sér, þá sé það beinlínis nauðsynlegt að yfir þessu máli sé leyndarhjúpur, eins og í flestum þeim málum sem þessi stjórn hefur fengist við, hingað til.

Enn reiknað í ráðuneytinu