Pöntuð spá sem fyrr.....!!!

Í hvert einasta skipti sem þurft hefur að afla nýjum Icesavesamningi fylgi, hvort sem það er Icesave I, II eða III, hafa dottið líkt og af himnum ofan, spár frá skilanefnd Landsbankans um betri heimtur í þrotabúið.  Samkvæmt þessari spá, stefnir nánast í gróða af Icesave. 

 

 Þegar tilboðið um 47 milljarða eingreiðslu + heimtur í búinu gegn afnámi ríkisábyrgðar var lagt fram, er alveg morgunljóst að tölur þær sem sem nefndar eru í þessari spá  hafi verið  lagðar fram, tilboðinu til stuðnings. Siðan má reikna með því að samninganefndir Breta og Hollendinga, hafi látið yfirfara tilboðið og þar með þá spá um heimtur í búið sem nú liggur fyrir, eða spá sem liggur nærri þessari.

 

  Samkvæmt þessu uppgjöri eða spá, þá eru Bretar og Hollendingar að tapa á því að hafa hafnað tilboðinu. Bretar og Hollendingar hefðu aldrei hafnað boði, sem þeir gætu ,,grætt" á að taka, heldur hefðu þeir tekið því og málið án efa verið úr sögunni.

 

 Afhverju halda Bretar og Hollendingar fast það að ríkisábyrgð verði að vera á heimtum úr búinu?  Meta Bretar og Hollendingar kannski stöðu á markaði einhver misseri fram í tímann, en skilanefndin ekki?  Meta Bretar og Hollendingar líkurnar á því að áætluð upphæð fyrir þær heimtur sem um ræðir verði töluvert lægri en spá skilanefndarinnar gerir ráð fyrir? 

 

  Er það kannski vegna þess að hin eina sanna dómstólaáhætta, lítur ekki að EFTA-dómstólnum, heldur að Héraðsdómi Reykjavíkur og Hæstarétti sem gætu hnekkt neyðarlögunum og þar með virkjað ríkisábyrgð upp á allt að 1.200 milljarða? Sem félli þá á ríkissjóð og þar með skattgreiðendur.  (Til samanburðar þá er talið að nú séu innistæður íslenskum bönkum ca. 1500 milljarðar)

 Svo hlýtur það að vera vafasamt að telja frestun greiðslna úr búinu ekki verða lengri en nemur þeim tíma er líða mun er þangað til Héraðsdómur kveður upp sinn dóm, enda hefur sá dómur ekki lokaorðið og líkur á áfrýjun meiri en minni, tapi þeir málinu, sem stefnt hafa skilanefnd Landsbankans fyrir Héraðsdómi Reykjavíkur eða þá skilanefndin sjálf.

 

 Að þessu ofansögðu þá á hátt og snjallt NEI,  aldrei jafn vel við og í þjóðaratkvæðinu vegna Icesave III, þann 9. apríl nk. 

Endurheimtur batna

Athugasemdir

[magnús sig (IP-tala skráð) 2.3.2011 kl. 21:23]

Aumingja blessaðir kallarnir, það verður sífellt kostulegra að fylgjast með ykkur, kverúlantabragurinn skýrari og skýrari. Þegar Icesave-krafan verður komin niðri tíkall mun Jón Valur erkiprestur kveikja í sér uppá styttunni af Jóni Sig og - þjóðarheiður! þjóðarheiður! - heimta að farin verði dómstólaleiðin.

[Ómar Geirsson, 3.3.2011 kl. 09:20]

Blessaður Kristinn, sé að magnús heljarmenni er mættur á svæðið, sótrauður að bræði yfir að fá ekki að greiða Svavars samninginn.

En það var ekki erindið, tel að þig vanti einn flöt á málið, og það er meint innræti breta.  Miskunn þeirra er alþekkt og þeir þekktir fyrir að hafa vit fyrir öðrum, sbr að þeir hafa áhyggjur af hryðjuverkum annarra en ekki sínum eigin.

Og eins er það með ICEsave.  Þeir sjá eins og er að íslenska þjóðin lýtur stjórn manna sem vilja ólmir skattpína hana í þágu Evrópudraums síns.  Alltaf þegar bretar hafa talið málið dautt, þá Íslendingar alltaf gert út samninganefnd sem hefur beðið þá um að rukka vegna ICEsave.

Hvað vitum við hvað gerðist á bak við tjöldin þegar Svavar fór fyrst til London, var hann ekki með tilbúinn samning um að íslensk stjórnvöld vildu borga allt ICEsave, Cash, og þau væru búin að afla sér lána hjá AGS uppí fyrstu afborgun???  

Voru það ekki bretar sem þvinguðu Svavar til að sættast á 20.000 evra lágmarkið???   Sem hann féllst á með semingi ef Ísland mætti þá láta hálft þrotabúið hjálpa bretum við restina.

Eins er það þennan samning, bretar neituðu að þiggja 47 milljarðana, vissu eins og er að það væri mjög ósanngjarnt gagnvart íslenskum almenningi.  

Vildu frekar að þjóðin kæmi út í gróða.  

Og sá gróði verður fyrst frétt hjá Ruv, annan apríl, ekki fyrsta því þá eru þeir hræddir að einhver myndi ekki trúa þeim.

En sannaðu til, ICEsave endar í gróða, það er í fjölmiðlum auðmanna og ESB,. og svo mun verða alveg þangað til að þeim verður boðið að ábyrgjast mismuninn.

Þá mun eitthvað EF slæðast með, en ekki fyrr.

Kveðja að austan.