Í upphafi skildi endirinn skoða.

3. gr. Viðfangsefni.
Stjórnlagaþing skal sérstaklega taka til umfjöllunar eftirfarandi þætti:
   1. Undirstöður íslenskrar stjórnskipunar og helstu grunnhugtök hennar.
   2. Skipan löggjafarvalds og framkvæmdarvalds og valdmörk þeirra.
   3. Hlutverk og stöðu forseta lýðveldisins.
   4. Sjálfstæði dómstóla og eftirlit þeirra með öðrum handhöfum ríkisvalds.
   5. Ákvæði um kosningar og kjördæmaskipan.
   6. Lýðræðislega þátttöku almennings, m.a. um tímasetningu og fyrirkomulag þjóðaratkvæðagreiðslu, þar á meðal um frumvarp til stjórnarskipunarlaga.
   7. Framsal ríkisvalds til alþjóðastofnana og meðferð utanríkismála.
   8. Umhverfismál, þar á meðal um eignarhald og nýtingu náttúruauðlinda.

 Textinn hér að ofan er úr lögum um stjórnlagaþing.  Stjórnarskrárnefnd með Björgu Thoroddsen í forsæti hefur síðan í sumar, verið að vinna nokkurs konar beinagrind að stjórnarskrá út frá þessum viðfangsefnum.  Siðan er Stjórnlagaþinginu/nefndinn/ráðinu ætlað setja kjöt á beinin.

 Úr því sem að komið er, treysti stjórnvöld sér ekki til þess að framkvæma kosningarnar aftur, þá er í raun lang einfaldast að Alþingi fái bara í hendurnar það sem kemur út úr vinnu nefndar Bjargar og setji sjálft kjöt á beinin.  Eða treystir meirihluti þingmanna  sér kannski ekki til að uppfylla skyldur sínar sem þingmaður?  

 Á endanum verður það alltaf svo, að það verður undir þeim 63 þingmönnum sem sitja á Alþingi vikurnar fyrir kosningar vorið 2013 og þeir sem ná kjöri í kosningum vorið 2013, sem samþykkja munu nýja stjórnarskrá.   Að baki þeim atkvæðum býr sannfæring og samviska 63ja einstaklinga í hvort skipti.  Munu þessir þingmenn frekar hafa sannfæringu fyrir frumvarpi, sem 25 einstaklingar, sem náðu kjöri , í ólöglegum kosningum semja, eða frumvarpi sem þingmennirnir semja sjálfir?

 Þingið mun fá frumvarpið til efnislegrar meðferðar í þremur umræðum, með nefndarstarfi á milli umræða.  Það eru meiri líkur en minni, að í öllu því ferli, þá taki frumvarpið einhverjum breytingum, litlum eða stórum burtséð frá því hvort að ráðgefandi þjóðaratkvæði verði um frumvarpið áður en það fer í þingið til afgreiðslu.  Þingmenn eru bundnir eigin sannfæringu og engu öðru er þeir greiða atkvæði í þinginu.  Þeir eru aldrei bundnir niðurstöðu ráðgefandi þjóðaratkvæðis, sem er í raun bara risastór skoðanakönnun.  Hvað má þá Alþingi breyta frumvarpinu mikið, svo það hætti að teljast frumvarp stjórnlagaþingsnefndarráðsins og teljist frumvarp Alþingis?

Farið á svig við dóm Hæstaréttar

Athugasemdir

[Axel Jóhann Axelsson, 25.2.2011 kl. 11:42]

Miðað við ummæli 25menninganna, sem flest atkvæði hlutu í stjórnlagaþingskosningunni ólöglegu, þá ætluðu þeir að umturna stjórnarskránni með beinu og milliliðalausu "umboði þjóðarinnar" og töldu sig ekki vera háða "kerfinu" á nokkurn hátt.  Þeir litu á sig sem þjóðkjörna, eins og forsetann, og vildu sniðganga núverandi stjórnarskrá með því að setja sínar tillögur beint í þjóðaratkvæði, þvert á ákvæði núverandi ákvæði um samþykki tveggja þinga, með kosningum á milli.

Stjórnlagaráð verður eins og hver önnur nefnd og á ábyrgð þingsins og því í raun óþarft, þar sem stjórnlaganefnd Bjargar gæti allt eins  sjálf unnið endanlegar tillögur til þingsins. 

[Sveinn Úlfarsson (IP-tala skráð) 25.2.2011 kl. 15:38]

Þingmenn guggna og njóta ekki TRAUSTS!! en einhver óskilgreindur hópur manna sem var ólöglega kosinn í ólöglegri kosningu og enga þekkingu hefur á stjórnarskrárbreytingum nýtur TRAUSTS!!

Heldur Jóhanna að hún sé sett forsætisráðherra af guði sjálfum og beri ekki ábyrgð gagnvart okkur aumum þegnunum.

Verður það næsta að "raddirnar sögðu mér að breyta stjórnarskránni með stjórnarskrárnefndinni"