Gleymdi Þráinn að hugsa eða reikna?

Annað hvort hefur Þráinn ekki hugsað málið til enda, eða þá að hann kann ekki að reikna.  Til þess að 11. gr stjórnarskrárinnar virki, þá þarf fyrir það fyrsta 48 þingmenn að greiða atkvæði með því að kjósa forsetann frá.  Þó svo að 44 þingmenn hafi sagt ,,já" við Icesave, þá má ekki gleyma því, að 11 þeirra voru fylgjandi tveimur tillögum um þjóðaratkvæði, er bornar voru upp örfáum mínútum áður en kosið var um samninginn sjálfan.

 Þráinn þyrfti því ekki bara að fá þessa 11 þingmenn á band tillögunnar um að kjósa forsetann frá, sé miðað við það, að þeir 33 sem kusu gegn þjóðaratkvæði vilji kjósa forsetann frá, heldur þyrfti hann fá fjóra þingmenn að auki af þeim sem annað hvort sátu hjá eða höfnuðu Icesavesamningunum.

 Það má því eiginlega slá því föstu, að framlagning slíkrar tillögu í alvöru, er í rauninni, dulbúin og þó ekki, ósk um kosningar hið fyrsta.   

 Einhvers staðar í stjórnarskrá stendur að forseti og Alþingi fari saman löggjafarvaldið.  32 atkvæði eða fleiri með tillögunni myndu því staðfesta vantraust á milli þeirra aðila er með löggjafarvaldið fara og því kosningar óumflýjanlegar. Einnig væri alveg hægt að líta svo á að framlagning slíkrar tillögu, staðfestu þetta vantraust einnig.

 Reyndar telur Eiríkur Bergmann, stjórnmálafræðingur, verðandi stjórnlagaþingmaður/stjórnarskrárnefndarmaður og innanbúðarmaður í Samfylkingu sig hafa heimildir fyrir því að 11. grein stjórnarskrárinnar, hafi komið í alvöru til umræðu við ríkisstjórnarborðið, þannig að kannski er það Þráni til vorkunnar, að hann hafði þó  orð ,,fræðimanns" að baki bullinu í sér.

Þráinn: Þingmenn lesi 11. grein stjórnarskrárinnar

Athugasemdir

[Gunnar Heiðarsson, 23.2.2011 kl. 19:57]

Það er sorglegt að horfa upp á málflutning þeirra manna sem nú agnúast út í ákvörðun forsetans.

Þráinn lætur eins og spilltur krakki sem skilur ekki að hann megi ekki fá meir sælgæti. Hann hefur áður orðið sér til skammar á þingi og því ljóst að þar á hann engan veginn heima. Hann á að halda sig við það sem hann er ágætur í, að semja skáldsögur.

Sjálfhverfa Þráins kemur vel fram í þessum málflutningi. Sjálfhverfa er slæm fyrir þingmenn og hæfir þeim ekki. Fyrir skáld skiptir þessi slæmi mannkostur minna máli!

[iskasir.isn (IP-tala skráð) 23.2.2011 kl. 20:41]

þráinn er bara auli....hann er FÍFL .....

[Vendetta, 24.2.2011 kl. 16:59]

"þráinn er bara auli....hann er FÍFL ....."

Enda er það þannig að þessi 5% sem kusu hann og þessi 5% þjóðarinnar sem hann kallaði fávita á sínum tíma er eitt og sama fólkið.

[Jóhann Elíasson, 25.2.2011 kl. 10:57]

Hann "gleymdi" hvorugu, því hann kann ekki stærðfræði og getur ekki hugsað.