Trúverðugleiki FME undir frostmarki.

Þegar þáverandi viðskiptaráðherra Gylfi Magnússon,  skipaði  Gunnar Andersen í starf forstjóra FME, þá var það nefnt að Gunnar hefði komið að hönnun þessa kerfis, er Sigurður G. minnist á og notað var við meint lögbrot.  Var sú ábending látin eins og vindur um eyru þjóta, þó svo að íslenska fjármálakerfið á þeim tíma hafi fyrst og fremst þurft að skapa á sér traust. 

  Þó var sett í gang innan FME, einhvers konar ,,sýndarrannsókn" á fortíð Gunnars hjá Landsbankanum, án þess þó að Gunnar viki á meðan.  Það hlýtur að vera einsdæmi að þegar eftirlitsstofnun, rannsakar feril forstjóra síns, þá starfi forstjórinn þar áfram eins og ekkert sé.

 Þó svo að Gunnar beri af sér allar sakir og víki sæti, þegar málefni Landsbankans eru rannsökuð, af þeirri stofnun er hann sjálfur stýrir, þá er ekki þar með sagt að hann hafi engin áhrif á rannsóknina og/eða meðferð rannsóknargagna.

Einnig rýrir það trúverðugleika FME töluvert, að FME réð endurskoðunnarfyrirtækið PWC, til þess að rannsaka fall Sparisjóðs Keflavíkur.  Síðan sú ráðning fór fram, á ábyrgð Gunnars þá hafa skilanefndir Glitnis og Landsbankans,  stefnt PWC fyrir dómstóla, vegna meintrar aðstoðar PWC við bókhaldssvik bankanna tveggja árin fyrir hrun þeirra.  Þessar dómstefnur virðast þó engu breyta hjá FME, varðandi það hver rannsaki  fall Sparisjóðs Keflavíkur. 

Segir Gunnar Andersen höfund kerfisins

Athugasemdir

[Björn (IP-tala skráð) 14.1.2011 kl. 23:58]

Já Samfylkingin virðist hafa einsett sér að auka spillingu og minnka gangsæi en gert einhver mistök í kynningarbæklingunum sem fólk kaus eftir.

[Flosi Kristjánsson, 15.1.2011 kl. 13:32]

Það vekur athygli að lögmaðurinn skuli ekki leggja aðaláherslu á það að skjólstæðingur hans sé saklaus. Taktík Sigurðar Guðjónssonar er mjög sérstök, hann ber ekki á móti því að bankastjórinn hafi brotið af sér, heldur sé það tilteknum einstaklingum öðrum að kenna að hann braut af sér.

Nú er það svo að við gildistöku EES-samningsins á Íslandi, jókst viðskiptafrelsi mjög mikið og fjármagn átti greiðari leið milli landa en áður var. Ber að líta svo á að það sé Viðeyjarstjórninni að kenna að menn nýttu sér frelsið með þeim hætti sem kunnugt er og valdið hefur hneykslun góðra manna?