Meðvitað, eða ómeðvitað andvaraleysi stjórnvalda?

Löglegt, eða ekki?  Þegar allt kemur til alls, þá mun sú spurning ekki ofarlega á "spurningarlistanum", þegar litið verður til baka eftir nokkur ár og málið skoðað. Enda er alveg hægt með"klækjum" að úrskurða og meta "gjörninginn" löglegan. Hvort sem að þeir "klækir" séu lagalegir eða pólitískir.

 Meiri líkur eru á því að fólk spyrji frekar: "Afhverju var lagaumhverfið þannig, að hægt var að eiga þessi viðskipti?" Og svo í kjölfarið verður spurt: "Afhverju var lögunum þá ekki breytt?"

 Að slepptu REI-ævintýrinu, þá má segja að þessi "törn" varðandi Magma og HS-Orku, hafi hafist þegar OR seldi Magma, hlut sinn í HS-Orku.  Þá hafði Samkeppnisstofnun, bannað OR að eiga hlut sinn í HS-Orku og skikkað fyrirtækið til að selja hann, innan ákveðins tíma. Sá tími var löngu liðinn, þegar Or seldi, ef ég man rétt, þó svo að Steingrímur J. hafi viljað lengri frest, svo að hann sem fjármálaráðherra, gæti skrapað saman nokkrum krónum í tómum Ríkissjóði, til þess að geta gengið inn í samning OR og Magma vegna HS-Orku.

 Þegar sala OR á hlut sínum í HS-Orku var um garð gengin, þá var haldinn fundur í þingflokki Vinstri grænna.  Þingmenn  og ráðherrar VG, höfðu lýst sig andvíga sölu OR á hlut sínum í HS- Orku.  Var það niðurstaða fundarins, að Steingrími J. Sigfússyni, var falið það verkefni, að hlutast til um það að "málið" yrði tekið upp í ríkisstjórn, með það fyrir augum, að setja "bráðbrigðalög á söluna, eða þá breyta lögum um erlenda fjárfestingu þannig, að frekari kaup Magma á HS-Orku gætu ekki átt sér stað.

 Þá koma enn aðrar "lykilspurningar".  Árni Þór Sigurðsson, þingflokksformaður VG, hefur lýst því yfir í viðtali við fréttamann RÚV að, þrátt fyrir þrysting VG í ríkisstjórn, þá hafi það ekki verið vilji Samfykingarráðherra í stjórninni að setja bráðabrigðalög á "gjörninginn". Þá er það frá með bráðabrigðalögin.  En samt er ekki hægt að segja að "málið" hafi þar með átt að vera úr sögunni.

 Þá koma næstu spurningar:  Var þá rætt um endurskoðun laga um erlenda fjárfestingu, með það fyrir augum að stöðva frekari uppkaup Magma á HS-Orku?  Var efnisleg umræða um málið?  Hver var niðurstaðan?  Var ákveðið að endurskoða lögin ekki? Ef já; hverjir greiddu þeirri afgreiðslu atkvæði? Voru ráðherrar Samfylkingar andvígir endurskoðun laganna, allir eða hlut þeirra og þá hverjir?

 Einnig hefur komið fram að endurskoðun laga um erlendar fjárfestingar, hafi verið komin á góðan rekspöl, er bankahrunið dundi yfir okkur. Það er alveg hægt að skilja að starfsmenn ráðuneytisins hafi við hrunið haft öðrum hnöppum að hneppa en að endurskoða lögin, er hrunið dundi yfir. En kveikti þetta Magma-mál allt ekki á neinum viðvörunarbjöllum í ráðuneytinu, með það að þörf væri á að halda endurskoðuninni áfram?   

 Fulltrúar Magma fá upplýsingar um lögin í Iðnaðarráðuneytinu, þó svo að þessi lög falli undir Viðskiptaráðherra.  Var starfsmönnum Iðnaðarráðuneytisins og þar með ráðherra, kunnugt um þá endurskoðun laga um erlenda fjárfestingu, sem byrjað hafi verið á í Viðskiptaráðuneytinu?  Var ekki eina eðlilega og ábyrga meðferð málsins í Iðnaðarráðuneytinu að vísa Magma á það ráðuneyti sem að hafði með málið að gera í stað, þess að ganga inn á verksvið viðskiptaráðuneytis?  Hafi Iðnaðarráðuneytinu verið kunnugt um þá endurskoðun sem byrjuð var í Viðskiptaráðuneytinu, voru það þá ekki óafsakanlega röng vinnubrögð, hjá Iðnaðarráðuneytinu, að halda áfram með málið? Átti Viðskiptaráðuneytið ekki að fá málið, til umfjöllunnar strax? Viðskiptaráðuneytið, hefði þá ef einhver vilji fyrir því, "hraðað" enduskoðun laganna.

 En þetta eru spurningar, sem líklega fást engin svör við, nema að undangenginni stjórnsýslurannsókn.  Samt er ljóst þegar sagan frá síðasta hausti til dagsins í dag, er skoðuð, að meginástæða þess að uppkaup Magma á HS- Orku, hafa gengið í gegn, er andvaraleysi stjórnvalda, meðvitað, eða ómeðvitað.  

 

 

 

Undrast ummæli Ögmundar

Athugasemdir

[Guðmundur Pétursson, 14.7.2010 kl. 13:21]

Eina raunhæfa skýringin á þessu rugli er sú að ákveðnir aðilar hafa þegið  mútur hjá Magma.  Það vill enginn með réttu ráði ganga gegn hagsmunum síns lands, nema að fá eitthvað fyrir sinn snúð. 

Landráðamennirnir hafa fengið væna summu fyrir að liðka fyrir þessu.  Það ætti að vera létt verk að rannsaka það nánar.  Upp komast svik um síðir.

[Gunnar Heiðarsson, 14.7.2010 kl. 22:55]

Hvers vegna gat samkeppnisstofnun skipað OR að selja sinn hluta í HS Orku? Þetta sama fyrirtæki (OR) hefur keypt upp flestar hitaveitur, fráveitur og vatnsveitur allt frá Rangá í austri og vestur fyrir landi allt til norðurlands vestra. Hvernig má það vera að OR sé heimilt að eignast flestar veitur á öllu þessu svæði en mátti ekki eiga sinn hlut í HS Orku? Er hugsanlegt að pólitík hafi ráðið í samkeppnisstofnun við þessa ákvörðun?