Afleikur stjórnvalda og hugsanlegt stjórnarskrárbrot.

Líklegast eru samningar stjórnvalda við kröfuhafa bankanna, einhver versti afleikur nokkurra stjórnvalda frá lýðveldisstofnun, hið minnsta.

Í þeim samningum fellst ríkisábyrgð á öllum þeim stjónvaldsaðgerðum sem rýrt gætu hag kröfuhafa bankanna.   Voru þeir samningar undirritaðir, án fyrirvara um samþykki Alþingis á innihaldi þeirra.

Af þeim sökum, hlýtur það að koma til álita, að um stjórnarskrárbrot hafi verið að ræða, þegar samningarnir voru undirritaðir.  Enda er óheimilt að setja á ríkisábyrgð, án samþykkis Alþingis.   

Engin efnisleg umræða hefur verið um efni samningana á Alþingi, þannig að ekki er hægt að sjá með hvaða hætti Alþingi ætti að hafa getað samþykkt þá duldu ríkisábyrgð sem samningarnir fela í sér.

Reyndar er það svo, að það litla um efni samningana sem fengist hefur upplýst, hefur kostað stöðugt stapp stjórnarandstöðuþingmanna við stjórnvöld.

Það leiðir svo af sér eftirfarandi:

Nær allar aðgerðir stjórnvalda til lausnar á skuldavanda heimila, hafa kostað útgjöld úr ríkissjóði, meðal annars vegna samninga við erlenda kröfuhafa bankana.

Stjórnarandstaðan hefur verið óþreytandi í því að benda stjórnvöldum á þá staðreynd, að til þess að mæta þessum auknu útgjöldum, þurfi að auka hér framleiðslu og verðmætasköpun.

Í innbyggðu sundurlyndi sínu geta stjórnarflokkarnir ekki sín á milli, komið neinu í kring sem stuðlar að aukinni framleiðslu og verðmætasköpun. Af þeim sökum, verða skattahækkanir ávallt ,,lausnin". Skattahækkanir sem á endanum hækka allar vísitölur er tenjast lánum heimilana lausnin.

Stjórnvöld hafa því í rauninni ekkert gert varðandi skuldavandann, annað en að senda hann af og til í ,,tímabundið frí", til þess eins að fá hann tvíelfdan afur í fangið. Sínu verri en áður.

Athugasemdir

[Gunnar Heiðarsson, 6.5.2012 kl. 08:17]

Það er svo spurning hvort haldnir hafi verið fundir í ríkisstjórn í undanfara þessa gjörnings Steingríms, þegar hann færði erlendum vogunarsjóðum tvo af þrem stæðstu bönkum landsins.

[Halldór Guðmundsson (IP-tala skráð) 6.5.2012 kl. 08:30]

Ef rétt reynist, stendur þjóðin frammi fyrir gríðarlegum vandamálum, og þá er komin skýringin á að ekkert er gert fyrir heimilin á landinu,og víxitalan ekki tekin úr sambandi. Þá er ekki nema ein lausn, í stöðunni að fara í kosningar strax.