Poppúlismi og drengskaparheit.

47. gr. Sérhver nýr þingmaður skal vinna ... 1) drengskaparheit að stjórnarskránni, þegar er kosning hans hefur verið tekin gild. 1)L. 56/1991, 16. gr. 48. gr. Alþingismenn eru eingöngu bundnir við sannfæringu sína og eigi við neinar reglur frá kjósendum sínum. ... 1) 1)L. 56/1991, 17. gr.

 Það hlýtur að vera eðlileg krafa að fram fari umræða um tilgang hins ráðgefandi þjóðaratkvæðis um frumvarp stjórnlagaráðs til stjórnskipunarlaga við umræður og afgreiðslu Alþingis við frumvarpið.

Ætla þingmenn almennt að láta sem að þeir hafi ekki undirritað drengskaparheit að núgildandi stjórnarskrá?

Er það svo að á Alþingi Íslendinga sitji fólk sem skammist sín fyrir eigin sannfæringu og þori ekki að upplýsa þjóðina um hana? Fólk sem er tilbúið að setja sannfæringu sína og drengskaparheit í klæði  poppúlisma og brjóta þar með núgildandi stjórnarskrá?

Getur verið að sá þingmaður sem metur drengskaparheit sitt að stjórnarskránni ofar húrrahrópum lýðsins, verði úthrópaður sem andlýðræðislegur hagsmunagæslumaður annarlegra hagsmuma?

Getur verið að endurkoma stjórnlagaþings til starfa og hið ráðgefandi þjóðaratkvæði, sé einungis enn eitt leikritið sem ríkisstjórnarflokkarnir setja upp.  Leikrit sem ætlað er að fela getuleysi leiðtoga stjórnarflokkanna til þess að leiða vinnu við stjórnarskrárbreytingar í sátt við alla þingflokka?

Hvenær telur fólk að þingmenn eigi að láta eigin sannfæringu víkja fyrir úrslitum ráðgefandi þjóðaratkvæðis?  Við ákveðið mikla kjörsókn? Eða við afgerandi samþykkt eða synjun á frumvarpi stjórnlagaráðs í hinu ráðgefandi þjóðaratkvæði?  Verður 51-49 nóg eða þarf það að vera 75-25, meira eða eitthvað þar á milli nóg til þess að lögbundin sannfæring þingmanna víki.

Hvers virði er ný stjórnarskrá, ef drengskap þeirra sem hana samþykkja á Alþingi er fórnað á altari poppúlisma?   Hvers virði verða þá drengskaparheit þingmanna að nýrri stjórnarskrá lýðveldisins Íslands?

„Þetta eru forkastanleg vinnubrögð“

Athugasemdir

[Sindri Karl Sigurðsson, 23.2.2012 kl. 00:11]

Þú hittir naglann á höfuðið þegar minnst er á leikrit í þessu samhengi. Allt sem þessi ríkisstjórn setur frá sér er eitt leikrit og eins og í öllum góðum Hollywoodmyndum þá vinna góðu gæjarnir og þeir eru ekki innanborðs.

Það var aldrei meiningin að gera neitt með þetta stjórnlagaþing, hvað yrði upp á borðum í framhaldinu, eftir 51-49 samþykkt í þjóðaratkvæði um nýja stjórnarskrá?

Er þetta eitthvað sáttarmjálm óstýrlátra katta? Á að leggja þetta fyrir þjóðina???