Aðildarsinnar stunda "hentitúlkun" ummæla í nauðvörn fyrir vondan málstað.

 

„Orð Gunnars Braga í síðustu viku vöktu umtal, en hann sagði að samkvæmt lögfræðiáliti kæmi fram að þingsályktanir, líkt og aðildarumsóknin byggði á, sem ekki studdust við sérstaka heimild í lögum eða stjórnarskrá, væru ekki bindandi fyrir stjórnvöld umfram það sem af þingræðisvenjunni leiddi.

,,Ég hef aldrei mótmælt því að þingið þurfi að taka endanlega ákvörðun. Það sem ég hef hins vegar sagt er að það megi lesa það út úr álitinu að þess þurfi ekki. Ég hef líka sagt að ég muni ekki eiga frumkvæði að því að leggja það til að svo verði gert. Því get ég tekið undir með Bjarna Benediktssyni að það sé eðlilegast að þingið taki þessa ákvörðun,“ segir Gunnar Bragi og bætir við: „Við Bjarni erum algjörlega að tala í takt varðandi þetta mál.“

Það sem einkennt hefur  umræðutækni aðildarsinna, síðstu daga og vikur og eflaust mun lengra aftur í tímann, er að andstæðingum aðildar eru stöðugt lögð orð í munn. 

Enda túlkuðu aðildarsinnar orð Gunnars Braga á þann hátt að hann ætlaði einn og óstuddur að slíta aðildarferlinu.  Það stóð auðvitað aldrei til.  Enda væri slíkt bæði gerræðisleg og ólýðræðisleg vinnubrögð.

Kannski má segja það um aðildarsinna, í þessu sambandi, að þeir hafi talið „Gunnar Braga sig“.

Síðan er  stöðugt hamrað á því sem viðkomandi var lagt í munn.  Eins og það hafi verið stóri sannleikur.  Rangtúlkunin er svo látin óma líkt og mantra í þeim eina tilgangi að fá fólk til þess að trúa því að viðkomandi hafi hagað orðum sínum, nákvæmlega eins og mantran ómar.

En það er kannski eðlilegt að aðildarsinnahjörðin hagi sér með þessum hætti, þegar formaður Samfylkingarinnar gerir það einnig.  En formaðurinn túlkaði orð Gunnars Braga, um að ESB liti svo á Ísland væri ekki enn í aðildarferli, þegar IPA styrkirnir hættu að berast, á þann hátt að Gunnar Bragi eða íslensk stjórnvöld væru hætt í aðildarferlinu.

Það vita hins vegar allir sem kæra sig um að vita það, að ekki stendur til að taka ákvörðun um áframhaldandi aðlögun að ESB, af eða á, fyrr en skýrsla utanríkisráðherra um málið liggur fyrir og þingið hefur tekið hana til umræðu og jafnvel ólíkt fyrri stjórnvöldum leyft þjóðinni að segja sitt álit á því hvort halda eigi áfram eður ei.

Það hentar hins vegar ekki málstað aðildarsinna að hafa rétt eftir mönnun.  Hvort sem um að ræða íslenska stjórnmálamenn eða embættismenn ESB.  Enda verður málstaður þeirra stöðugt veikari með hverju sannleikskorni, er lítur dagsins ljós.

 

ESB bíður eftir úttekt Íslendinga

Athugasemdir

[Haukur Kristinsson (IP-tala skráð) 26.8.2013 kl. 21:36]

Gunnar Bragi er orðinn svo fullkomlega tvísaga og margsaga, að barn í leikskóla mundi fá ákúrur fyrir slíka framkomu.

En auðvitað gengur það ekki að gera ómenntaðan og aðeins meðalgreindan mann að utanríkisráðherra.

Þessi persóna representerar þjóðina erlendis. Menn geta rétt aðeins ímyndað sér hvernig Gunnari Braga líður á þeim vettvangi. Hann er nefnilega nógu klár til að átta sig á því, að hann er kominn í embætti sem hann ræður ekki við.