Ráðherrakaplar, fjárlög og fleira................. Sagan endalausa.

Í september 2010, þegar Ögmundur var tekinn aftur inn í ríkisstjónina, eftir ellefu mánaða fjarveru.  Við það tækifæri,  sagði Álfheiður Ingadóttir,  sem var einn ráðherranna er fórnað var í þeim ráðherrakapli, að þurft hefði að koma Ögmundi aftur að ríkisttjórnarborðinu, svo tryggt væri að fjárlög fyrir árið 2011 yrðu samþykkt í þinginu.

Núna er staðan hins vegar sú, að ekki er hægt að reka Jón Bjarnason, fyrr en fjárlög fyrir árið 2012, hafa verið  samþykkt.

Vel má vera, að þegar ráðherrakapallinn var kynntur í september 2010, þá hafi það verið tilkynnt að von væri á frekari hrókeringum í ríkisstjórninni.  Það var hins vegar tilkynnt, vegna ætlunar Jóhönnu að dengja  Sjávarútvegs, landbúnaðar og iðnaðarráðuneyti, saman í eitt atvinnuvegaráðuneyti.  Þau áfrorm hafa hins vegar ekki meirihlutastuðning innan stjórnarflokkanna, þannig að þau falla væntanlega um sjálf sig, að öllu óbreytt.

Það breytir engu,  að Jóhanna þræti fyrir  (samkvæmt venju) eins og ótýndur sprúttsali, að hún hafi verið í einhverri aðför að Jóni Bjarnasyni, enda kæmi hann henni nánast ekkert við, enda tilheyrði hann hinum stjórnarflokknum.   Hins vegar hafi hún gagnrýnt seinagang Jóns við endurskoðun laga um stjórn fiskveiði.

Það er nú svo að líklegast er minnst af þessum seinagangi, beinlínis Jóni að kenna.  Helsta ástæða seinagangsins er fyrst og fremst , skortur á sameiginlegri stefnu stjórnarflokkanna í sjávarútvegsmálum.   Nægir þar að nefna  tog, teygjur, þras og hrossakaup stjónarflokkanna um málið, allan síðastliðinn vetur, án árangurs.

  Í ríkisstjórnum sem hafa sátt um málefnalega heildarsýn, þá liggur staða hvers málaflokks fyrir og í nær öllum tilfellum, er það svo að ráðherrar í samvinnu við starfsmenn sína í ráðuneytinu rita frumvarp, er fer svo til efnislegrar meðferðar í þinginu.

 

Atkvæði greidd um fjárlög

Athugasemdir

[Jóhann Elíasson, 1.12.2011 kl. 08:35]

Fléttan, sem mér er sagt að sé í gangi, er að Björn Valur eigi að verða ráðherra (hann er búinn að standa sig svo vel sem málpípa Gunnarsstaða Móra) og það eigi að reyna að halda lífi í "rísstjórnarsamstarfinu" með því að Jón Bjarnason, verði gerður að þingflokksformanni VG (WC).  Ekki veit ég hvað er til í þessu en mér finnst þetta jafn trúlegt og annað......

[Ásthildur Cesil Þórðardóttir, 1.12.2011 kl. 17:17]

Þorir Steingrímur þessu?  Það verður allt vitlaust í grasrótinni, þ.e. því fólki sem ennþá er þar eftir.  Björn Valur nýtur ekki trausts eins og Jón Bjarnason innan þeirra raða.  Það er bara síminnkandi elíta VG á þingi sem hugsar þannig.  þau fara nú bráðum að vera í minnihluta í eigin flokki.  

[Jóhann Elíasson, 2.12.2011 kl. 16:33]

Miðað við þá tengingu, sem ráðandi öfl í VG (WC) hafa við "grasrótina" finnst mér þetta ekki ólíklegt..........