Leita í fréttum mbl.is

Nýr marklaus loforðalisti í smíðum hjá ríkisstjórn atvinnusköðunnar og fjárfælingar?!?!

Nánast fullseint í rassinn gripið, að ætla að bjarga einhverju nokkrum tímum, áður en frestur til þess að ákveða hvort nýgerðir kjarasamningar verði til eins árs eða þriggja ára.

 Sagan er nú ekki beint hagstæð Jóhönnustjórninni, þegar kemur að efndum loforða. Það er því afar hæpið að eitthvað skothelt liggi eftir þennan fund, nema það sem er áður þekkt, aumingjaskapur og verkleysi klætt í búning pólitískra hugsjóna.   Það er því varla við feitum bitum að búast úr hendi innanríkisráðherra.

Það fer hver að verða síðastur að koma hér einhverri verðmætasköpun í gang, svo það verði af einhverrri tekjuhlið að taka við gerð fjárlaga næsta árs.


Vegna samninga við opinbera starfsmenn er það orðið ljóst  að gjaldaliðurinn mun hækka verulega. Til að mæta slíku, þarf verulega tekjuaukningu eða niðurskurð með tilheyrandi uppsögnum og lífsgæðarýrnun.

Tekjuaukningin fæst hins vegar með því sem að Jóhönnustjórninni er gersamlega fyrirmunað að skilja eða hvað þá að koma í verk.  Að losa um kverkatak skatta á atvinnulífið og að hætta öllum fíflalegum fyrirþvælingi sem gerir ekkert annað en að skaða atvinnulífið enn frekar og fæla allt fjármagn frá landinu.

 Það er því ljóst að niðurskurðarhnífunum verður brugðið á loft , sem aldrei fyrr og jafnvel stóru sveðjurnar teknar fram einnig.

Þar sem niðurskurður vegna fjárlaga ársins í ár bitnaði fyrst og fremst á hinum smærri einingum velferðarþjónustunnar á landsbyggðinni, er líklegra en ekki, að megin niðurskurðurinn muni bitna á stærri einingunum í stærri kjörnum landsbyggðarinnar sem og á höfuðborgarsvæðinu, sem ætlað var að taka við þeirri þjónustu er skorin var af smærri einingunum.


mbl.is Funda um samgöngumálin
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Axel Jóhann Axelsson

Ætli fyrstu hugmyndir vinstri "velferðarstjórnarinnar" verði ekki um gífurlegar skattahækkanir í viðbót við allar þær hækkanir sem þegar hafa dunið á bökum almennings og atvinnulífs undanfarin tvö ár.

Þar sem ekki er líklegt að hægt sé að blóðmjólka lýðinn fyrir öllu fjárlagagati næsta árs, mun auknum kostnaði veða velt á sjúklinga, bæði vegna læknisaðstoðar og lyfja, skert verður hjá elli- og örorkulífeyrisþegum og heilbrigðiskerfið skorið niður við trog. Sennilega verður svo "frestað" að hækka persónuafsláttinn um næstu áramót, en lofað hafði verið að vísitölutengja hann aftur, en fyrsta verk velferðarstjórnarinnar var að lækka skattafsláttinn, eins og allir muna væntanlega.

Atvinnuuppbygging verður engin héðan af á þessu ári og ólíklegt að þessi stjórn hætti að flækjast fyrir atvinnulífinu á því næsta.

Axel Jóhann Axelsson, 19.6.2011 kl. 19:15

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Kristinn Karl Brynjarsson
Kristinn Karl Brynjarsson
Ég hef mínar skoðanir, ekki endilega alltaf réttar.  Málefnaleg innlegg velkomin, en þeim sem geta ekki tjáð sig öðruvísi, en með svívirðingum um síðuhöfund, aðila þess máls, sem til umræðu er, hverju sinni eða með uppnefningum, er bent á eigin bloggsíðu.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 1
  • Sl. sólarhring: 1
  • Sl. viku: 2
  • Frá upphafi: 1591

Annað

  • Innlit í dag: 1
  • Innlit sl. viku: 2
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband