"Pakkinn" kom! Enda er samþykkt hans forsenda aðildarviðræðna.

Fyrri ríkisstjórn, sú sem sótti um aðild að ESB,  talaði alltaf um að þjóðin fengi að skoða í "pakkann" þegar hann kæmi og taka afstöðu til hans.
"Pakkinn" kom, fyrri ríkisstjón kíkti í hann og samþykkti . En þjóðin fékk hvorki að kíkja né kjósa.

Aðildarferli líkt og við erum eða vorum í fer ekki af stað, án þess að umsóknarríki samþykki þær óumbreytanlegu kröfur sem ESB setur fyrir inngöngu í sambandið.  Engar undanþágur eru í boði frá þeim kröfum.

 Eingöngu sérlausnir, sem í praxis virka þannig að umsóknarríki fær lengri tíma til þess að uppfylla þær óumsemjanlegu kröfur sem settar eru fram í þeim málaflokki sem sérlausnirnar ná til.

Umsóknarríki afsalar sér þó öllu lagasetningarvaldi í þeim  málaflokkum sem sérlausnirnar ná til.  Líkt og gerist með  þær kröfur sem uppfylltar verða strax við aðild umsóknarríkis að sambandinu.

Þessar kröfur eru í rauninni "pakkinn" sem talað er um.  Enda ekkert annað í boði en þessar kröfur ESB,  með möguleikum á áðurnefndum sérlausnum.

Ef að kjósa á um framhaldið, þarf þjóðin að fá að kjósa um þessar kröfur ESB.
Stjórnvöld gætu, til þess að auðvelda þjóðinni að taka upplýsta ákvörðun, útlistað fyrir þjóðinni á hvaða sviðum þau hyggðust fá "tímabundnar sérlausnir" frá kröfum sambandsins.

Athugasemdir

[Grímur (IP-tala skráð) 23.8.2013 kl. 18:15]

Félagi Össur kíkti í pakkann um sjávarútvegsmál og fölnaði

lokað honum snarlega aftur og setti lengst undir jólatréð

þar sem hann hefur rykfallið síðan

enda "hægði" fyrri ríkisstjórn á aðildarviðræðunum