Er skilyrðið um að "standa í skilum" mannréttindabrot?

„Ég tel að þessi dómur staðfesti að ef staðið er í skilum með svokallað ólögmætt gengistryggt lán og greitt hafi verið af því þá dragast allar greiðslur inn á höfuðstól frá stöðu lánsins áður en það er vaxtareiknað,“ segir Skarphéðinn Pétursson lögmaður Borgarbyggðar í málinu.

Það liggur fyrir að margir þeirra sem eru með ólögmæt gengistryggð lán, hafa ekki getað staðið í skilum. Enda ruku þau lán, upp úr öllu valdi þegar gengishrun krónunnar varð.  Það sem olli hækkuninni  var ólögmætt ákvæði lánasamningsins, gengistryggingin.

Auk þess sem afturvirkt vaxtaákvæði laga 151/2010, sem Hæstiréttur hefur dæmt ólögmætt, hefur einnig haft íþyngjandi áhrif á flesta ef ekki alla lánþega gegnistryggðra lána.

Skilningur lögmannsins, hér að ofan, er sá að lánþegi þurfi að hafa staðið í skilum til þess að eiga rétt á því að fá rétt sinn bættan.  Þeir sem ekki gátu staðið undir ólögmætu vaxtaokri og ólögmætri gengistryggingu, eiga hins vegar engan rétt.

Það hlýtur þvi að vekja upp þá spurningu hvort ekki sé verið að brjóta á mannréttindum þeirra er ekki stóðu undir ólögmætum kröfum fjármálafyrirtækja. Með því að skilyrða  réttarbætur lánþega við það að hafa getað staðið undir lögbrotinu? 

 

Milljarðar í húfi

Athugasemdir

[Ingibjörg Guðrún Magnúsdóttir, 19.10.2012 kl. 07:05]

Já segðu Kristinn, þetta er orðin ein hringa-vittleysa allt saman og almenningur sem tók lán sín í góðri trú á sínum tíma og trúði svo orðum Ráðamanna um skjaldborgina fyrir síðustu kosningar eru að vakna upp við þann ljóta draum að Ráðamenn eru búnir að hafa þessa einstaklinga að fíflum...

Ráðamenn eins og Árni Páll sem eru með hinar og þessar prófgráður á bakinu sem eiga eða ættu að sína ágæti þeirra í vinnubrögðum eru ekki betri en svo að ólög setja þau...

Er Árni Páll ekki að falast eftir Formannstöðunni í Flokki sínum...

[Guðmundur (IP-tala skráð) 19.10.2012 kl. 07:58]

Að hugsa sér allt fólið sem var borið út, út af þessu. Þarf þá ekki að dæma í þeim málum, eins og um þjófnað sé að ræða, eða þá allavega svikamyllu?

Var þetta kannski svo stór svikamylla, sem var með svo marga stjórnmála menn í liði með sér, að hún er ekki ólögleg?

[Hrólfur Þ Hraundal, 19.10.2012 kl. 18:10]

Sé hægt að finna því stað að það sé ólögmætt að greiða ekki ólögmæta vexti þá er eitthvað verulegt að í réttarkerfinu.