Súrealísk landsdómsumræða.

Í ljósi þess, að líklegast eiga margir þeirra er ákæra vildu Geir Haarde fyrir landsdómi,  allt eins von á sýknudómi, þá hefur umræðan um dóminn, tekið á sig æ súrealískri blæ.

Niðurstaða dómsins, hver sem hún kann að verða, er orðin algert aukaatriði.  Aðalatriðið núna, eru þær upplýsingar sem þjóðinni kann að falla í skaut, við vitnaleiðslur í réttarhöldunum!! 

Er þá ekki rökrétt skref, að stefna Johönnu Sigurðardóttur, Steingrími J. Sigfússyni og fleiri ráðherrum hinnar norrænu velferðarstjórnar, til þess eins að þjóðin fái upplýsingar?  

Þjóðin hlýtur jú að eiga rétt á að fá upplýsingar um t.d. einkavæðingu Steingríms á föllnu bönkunum, þrjár misheppnaðar tilraunir til samninga í Icesavedeilunni, ástæður aðgera og/eða aðgerðaleysis til lausnar á skuldavanda heimilana og  getuleysi stjórnvalda til þess að koma með nýtt frumvarp um stjórn fiskveiða, svo eitthvað sé nefnt.

Á hvaða vegferð með dómskerfið er þjóðin, ef tilgangur þess er ekki að dæma menn til sektar eða sýknu, heldur að afla upplýsinga í þágu almennings? 

Ekkert áfall, segir Bjarni

Athugasemdir

[Ingibjörg Guðrún Magnúsdóttir, 4.3.2012 kl. 18:22]

Ég veit ekki betur en að Jóhanna og Össur séu að mæta í yfirheyrslu á morgun vegna þessa...

Ég vil allt þetta fólk í burtu og aldrei sjá það koma að málefnum Þjóðarinnar aftur...