Af tveimur réttum kostum tókst stjórnvöldum að velja þann þriðja og rangan.

Það var bara í rauninni, tvennt mögulegt í stöðunni og hvorugt lét ríkisstjórnin nefndina ákveða. Annað hvort var að kjósa aftur, eða hætta við. Stjórnlaganefndin sem vinnur að eða vann að ,,beinagrind, nýrrar stjórnarskrár gæti svo skilað Alþingi niðurstöðu vinnu sinnar þegar henni líkur og þingið skellt einhverju kjöti utan á þá beinagrind, þar til fyrir lægi ný stjórnarskrá eða breyting á þeirri gömlu.

 Ef að satt reynist að Alþingi geti ekki komið sér saman um nýja stjórnarskrá, þá breytir stjórnlagaþing/ráð engu þar um, því það verða á endanum 63 Alþingismenn, sem fjalla munu um tillögu að nýrri stjórnarskrá, efnislega í þremur umræðum, með nefndarfundum á milli. Siðan greiða þingmenn atkvæði um nýja stjórnarskrá, samkvæmt eigin samvisku, fari þingmenn eftir núgildandi stjórnarskrá.

 Aumur væri  sá þingmaður, sem greiddi einhverri stjórnarskrá atkvæði sitt, gegn samvisku sinni, bara af því að eitthvað stjórnlagaþing/ráð, lagði hana fram.

Ekki kosið til stjórnlagaþings

Athugasemdir

[KRISTJÁN SVEINBJÖRNSSON, 24.2.2011 kl. 18:36]

Hárrett niðurstaða hjá Alþingi enda vildi almenningur þessa leið. Þrátt fyrir margar tilraunir þá hefur alþingismönnum ekki tekist að endurskoða stjórnarskrána vegna flokkshagsmuna. Hef trú á þessum hópi sem þjóðin kaus sér þó hinn umdeildi hæstirettur reyndi að eyðileggja kosninguna. Ósýnilegir hagsmunir liggja víða. 

[Árni Gunnarsson, 24.2.2011 kl. 19:43]

Snilldarlausn!

[Kristinn Karl Brynjarsson, 24.2.2011 kl. 20:54]

Lausnir miða oftast að því að leysa mál, en þetta gerir það í rauninni ekki.

 ,,Ef að satt reynist að Alþingi geti ekki komið sér saman um nýja stjórnarskrá, þá breytir stjórnlagaþing/ráð engu þar um, því það verða á endanum 63 Alþingismenn, sem fjalla munu um tillögu að nýrri stjórnarskrá, efnislega í þremur umræðum, með nefndarfundum á milli. Siðan greiða þingmenn atkvæði um nýja stjórnarskrá, samkvæmt eigin samvisku, fari þingmenn eftir núgildandi stjórnarskrá."

 En haldi fólk að Alþingi samþykki, án umræðu og breytinga frumvarp stjórnlagaráðsins, þá er þetta væntanlega ,,lausn".   

[Vendetta, 25.2.2011 kl. 00:15]

"Hárrett niðurstaða hjá Alþingi enda vildi almenningur þessa leið."

Rangt.

[Jóhann Elíasson, 25.2.2011 kl. 11:09]

Ég er nú fyrst og fremst að velta því fyrir mér hvort þessi "ákvörðun" standist lög og þá stjórnarskrá sem við búum við??  Ef þetta stenst, þá hefur ríkisstjórnin heimild til þess að ráða sér ótalinn fjölda "ráðgjafa" án þess að spyrja kóng eða prest.

[stebbi (IP-tala skráð) 25.2.2011 kl. 11:14]

"Hárrett niðurstaða hjá Alþingi enda vildi almenningur þessa leið."

 ÖÖÖ mér sýnist nú kosningaþáttaka sýna svart á hvítu að ALmenningur hafði engan áhuga á þessari leið.