Leita í fréttum mbl.is

Ætlar Alþingi að breyta Landsdómi í pólitískt sláturhús?

Þingflokkur Samfylkingarinnar er þarna að gera sig vanhæfan til þess að geta tekið afstöðu í málinu. Þingflokkur Samfylkingarinnar er þarna sökum innbyrðisklofnings að gera einum hugsanlegum sakborningi, fyrir Landsdóm, hærra undir höfði en öðrum.  Þingflokkurinn bauð að vísu Björgvini G. Sigurðssiyni til fundar, en hann átti ekki heimangengt.  Þingflokkur Samfylkingarinnar sem er við það að taka þátt í  stærstu ákvörðun sem að Alþingi hefur tekið. Samt hirðir þingflokkurinn ekki hið minnsta um að ræða við aðra, mögulega sakborninga.  Líklegast er það vegna þess að það er ekki hagstætt flokknum pólitískt að leyfa mönnum að bera hönd fyrir höfuð sér, séu þeir úr öðrum stjórnmálfaflokkum.  Málsmeðferð Samfylkingarinnar er til skammar þjóðkjörnum fulltrúum á Alþingi Íslendinga.

Alþingi er að sigla inn í sína mestu niðurlægingu frá stofnun þess árið 930.  Lögjafarvaldið er á góðri leið með það að gera hluta Dómsvaldsins að pólitísku sláturhúsi. 

Dómsmála og mannréttindaráðherra, Ögmundur Jónasson, lýsir því yfir í útvarpsviðtali í morgun að röksemdir Atla Gíslasonar formanns þingmannanefndarinnar, hafi nægt honum til þess að taka ákvörðun um að kæra nokkra einstaklinga, engan þeirra í sínum flokki, og kalla þá fyrir Landsdóm.  Hvurslag vinnubrögð eru þetta hjá yfirmanni mannréttindamála á Islandi?  Hann hefur tekið ákvörðun um ákærur, án þess að kynna sér hvað mögulegir sakborningar hafa sér til málsbóta? Er pólitíska heiftin slík að mannréttindum verði að ýta til hliðar til þess að svala henni?  Eru fleiri þingmenn Vinstri grænna, sömu skoðunnar og Ögmundur?  Eða þingmenn Framsóknar og Hreyfingarinnar?  Er fólki slétt sama um mannréttindi í sínu pólitíska plotti og bakstungum?

Krókódílatár Steingríms J. og fleiri þingmanna yfir því að verða samkvæmt stjórnarskrá, líklega að ákveða það að kæra þessa fyrrum starfsfélaga sína, vekja óhug hjá undirrituðum og bera vott um óheiðarleik, fals og grimmd viðkomandi, sem að nú skal sefa með pólitískum hrossakaupum, mannfórnum og bakstungum.

 Það er eins gott að þetta lið hafi hugleitt hvernig það ætlar að halda úti Hæstarétti, þegar holskefla mála frá Sérstökum saksóknara skellur á réttinum.  Bróðurpartur Hæstaréttardómara, verður bundinn í Landsdómi, á meðan sá dómur starfar.

Réttarhöldin fyrir Landsdómi geta tekið marga mánuði og jafnvel getur sá tími skipt árum, vegna þess hve margir verða hugsanlega fyrir dómnum, auk þess sem afstaða eða dómur dómsins verður matskenndur og ekki dæmt á solid sönnunnargögnum sem liggja fyrir.  Fyrst og fremst verður dæmt eftir framburði sakborninga, þeim trúverðugleika sem dómurinn hefur á framburðinum og orðum annarra, jafnvel pólitískum andstæðingum þeirra, er fyrir dómnum verða. Málarekstur verður t.d. ekki jafn einfaldur og í svokölluðu Tamílamáli.  

Verður uppgjörið þá komið eitthvað betur á veg?  Hæstiréttur lamaður mánuðum saman og hinir raunverulegu glæpamenn útrásarinnar ganga enn lausir og halda áfram að hylja slóð sína?

Sú ákvörðun sem alþingismanna bíður er fyrst og fremst sú, að taka ákvörðun um hvort að það sé virðingu Alþings sæmandi að gera Landsdóm að pólitisku sláturhúsi, til þess að sefa reiði almennings í pólitísku uppgjöri við markaðshyggjuna öðrum til viðvörunnar.   Verði þessi tillaga afgreidd neðan úr pólitískum skotgröfum, þá verður skömm og niðurlæging Alþingis og þeirra sem ýta á "já hnappinn" algjör.  Vei þeim hræsnurum og pólitísku loddurum er slíkt munu gera.

 


mbl.is Ingibjörg Sólrún ræðir stöðu sína
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jón Ólafur Vilhjálmsson

Nú er stríðið hafið nú skal beita afli. Allt sem gert er hjá Samfylkingunni hér eftir í þessu verður henni til skammar. og þeim fyrrverandi ráðherra sem beitir sér til að sleppa við dóm hvort sem hann verður síkin eða saka.

Landsdómur dæmir ekki flokkarnir þeir eiga að ákæra og það er nefndin búin að og því er allt sem gert er til að hafa áhrif á það skandall.

Jón Ólafur Vilhjálmsson, 15.9.2010 kl. 15:55

2 Smámynd: Kristinn Karl Brynjarsson

Nefndin átti ekki að láta fara frá sér tillögu um Landsdóm, nema samstaða hefði verið um eina tillögu í nefndinni og alls ekki þrjár tillögur, sem engin þeirra hefur kláran þingmeirihluta á bakvið sig.  Slíkt leiðir alltaf til pólitískra hrossakaupa, loddaraskapar, hræsni og bakstungna.  

 Í þessu tilfelli er dómgreindarskortur formanns nefndarinnar algjör og má spyrja hvaða kenndir búa baki slíkum dómgreindarskorti?

Kristinn Karl Brynjarsson, 15.9.2010 kl. 16:32

3 Smámynd: Árni Gunnarsson

Samfylkingin er að reyna að hafa áhrif á niðurstöður Landsdóms.

Það er skandall.

Ýmsir aðrir eru að álykta um ákærur þingmannanefndarinnar.

Þeir eru ekki að reyna að hafa áhrif á niðurstöður Landsdóms.

Það er þess vegna ekki skandall.

Það væri að mínum dómi skandall ef Landsómur yrði skipaður þeim einstaklingum sem létu umræður samfélagsins eða Alþingis eða stjórnmálamanna hafa áhrif á niðurstöður sínar.

Árni Gunnarsson, 15.9.2010 kl. 17:33

4 Smámynd: Kristinn Karl Brynjarsson

Það verður bara æ meir hrópandi það dómgreindarleysi Atla Gíslasonar formanns þingmannanefndarinnar að hleypa þessu út úr nefndinni, með þessum hætti.  Engin þeirra ályktana um Landsdóm hefur meirihluta í þinginu.  Það hefði Atli alveg mátt segja sér.  Atla hefði einnig átt að vera það ljóst að engin þessara ályktana yrði samþykkt í þinginu, án pólitískra hrossakaupa. 

 Eins og málsmeðferðin er á Alþingi þá er allt eins líklegt að sakborningar þeir er fyrir dóminn koma, verði hann kallaður saman, muni eiga auðvelt með fá málið fellt niður, vegna vanbúinnar og skrumskældar málsmeðferðar Alþingis.  

 Verður þá þeim þingmönnum sem samþykkja slíka skrumskælingu vært deginum lengur á þingi?

Kristinn Karl Brynjarsson, 15.9.2010 kl. 18:12

5 Smámynd: Árni Gunnarsson

Þess er skammt að bíða að úrskurðað verði um dómgreindarleysi Atla annars vegar og hins vegar siðfræði lögspekinnar sem tengist þeim álitsgjöfum mbl.is sem eru á öðru máli.

Hér er auðvitað ekki gert ráð fyrir þeim skekkjum sem vond umræða óvandaðra liðsmanna Atla G. kann að hafa á vanþoska fulltrúa Landsdóms.

Árni Gunnarsson, 15.9.2010 kl. 19:25

6 Smámynd: Kristinn Karl Brynjarsson

Samkvæmt lögum um Landsdóm þá dæmir hann nákvæmlega eftir ákæruskjali Alþingis.  Þá skiptir engu máli hvaða upplýsingar koma upp eftir að Alþingi hefur samþykkt ákæruskjalið.  Sama hvað á gengur verður engum bætt á ákærulistann, nema Alþingi samþykki annað ákærukjal í kjölfar þingsályktunartillögu.

 Dómurinn gæti þess vega dæmt einhvern til eins árs fangelsis, á grundvelli upplýsinga sem geyma vitneskju um samsekt og jafnvel stærri saka annars aðila, er annað hvort verður, gapandi inn á þingi eða blaðrandi í Brussel. 

 Málsmeðferðin hingað til er skandall og gáfulegast úr þessu að bakka með þetta mál hið snarasta.   

Kristinn Karl Brynjarsson, 15.9.2010 kl. 19:43

7 Smámynd: Benedikta E

Er ekki hægt að leggja fram þingsályktunartillögu um fleiri ráðherra - fyrir Landsdóm - eða þess vegna alla ríkisstjórnina frá 2007 - 2009

Benedikta E, 15.9.2010 kl. 21:07

8 Smámynd: Kristinn Karl Brynjarsson

Það er hægt að leggja fram þingsályktunartillögu um allan fjandann Benedikta.  En það er er ekki séns í helvíti að Alþingi samþykki að Össur og Jóhanna fari fyrir Landsdóm, eða aðrir Samfylkingarráðherrar.  En eflaust myndi margur þingmaðurinn kveða já sitt við hvaða sjálfstæðisráðherra sem er.

 Samfylkingin er bara við það að fríka út, með þessa leiðtoganefnu í afleysingarformennskunni.  Bið Samfylkingarinnar eftir fæðingu Messíasar íslenskra jafnaðarmanna, verður flokknum erfitt.

Kristinn Karl Brynjarsson, 15.9.2010 kl. 21:36

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Kristinn Karl Brynjarsson
Kristinn Karl Brynjarsson
Ég hef mínar skoðanir, ekki endilega alltaf réttar.  Málefnaleg innlegg velkomin, en þeim sem geta ekki tjáð sig öðruvísi, en með svívirðingum um síðuhöfund, aðila þess máls, sem til umræðu er, hverju sinni eða með uppnefningum, er bent á eigin bloggsíðu.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 2
  • Frá upphafi: 0

Annað

  • Innlit í dag: 0
  • Innlit sl. viku: 2
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband